Live Updates

ڈی پی ورلڈ انٹرنیشنل لیگ ٹی 20 سیزن 4 کا آغاز 2 دسمبر سے ہوگا، شیڈول جاری

جمعہ 5 ستمبر 2025 15:20

دبئی(اُردو پوائنٹ اخبارتازہ ترین - این این آئی۔ 05 ستمبر2025ء)خلیج کا سب سے بڑا کرکٹ ایونٹ ڈی پی ورلڈ انٹرنیشنل لیگ ٹی 20 سیزن 4 یکم دسمبر سے شروع ہو گا۔ افتتاحی میچ میں دفاعی چیمپئن دبئی کیپٹلز اور ڈیزرٹ وائپرز آمنے سامنے ہوں گے،یہ مقابلہ گزشتہ سیزن کے یادگار فائنل کا ری میچ ہوگا جس میں کیپٹلز نے آخری اوور میں سنسنی خیز انداز میں فتح حاصل کرتے ہوئے اپنی پہلی ٹرافی جیتی تھی۔

افتتاحی میچ 2 دسمبر کو شام ساڑھے 6 بجے دبئی انٹرنیشنل سٹیڈیم میں کھیلا جائے گا۔

(جاری ہے)

شائقین کرکٹ کو ایک بار پھر دونوں ٹیموں کے درمیان دلچسپ اور سنسنی خیز مقابلے کی توقع ہے،سیزن 4 میں کل 34 میچز کھیلے جائیں گے۔ دبئی انٹرنیشنل سٹیڈیم 15 میچز کی میزبانی کرے گا۔ ابوظہبی کا زید کرکٹ سٹیڈیم 11 میچز اور شارجہ کرکٹ سٹیڈیم 8 میچز کا میزبان ہوگا۔دوسرے میچ میں شارجہ میں شارجہ واریئرز اور ابوظہبی نائٹ رائیڈرز آمنے سامنے ہوں گے۔

اس کے بعد سابق چیمپئن گلف جائنٹس اور ایم آئی ایمریٹس دبئی میں مدمقابل ہوں گے۔ لیگ سٹیج کے 30 میچز کے بعد پوائنٹس ٹیبل کی ٹاپ 4 ٹیمیں پلے آف مرحلے میں جگہ بنائیں گی۔یہ ایونٹ ایک بار پھر خطے کے کرکٹ شائقین کے لئے سنسنی اور تفریح سے بھرپور لمحات لے کر آئے گا۔