دھمیال پولیس کی کارروائی، دوہرے قتل کے مقدمہ کا ملزم گرفتار

پیر 15 ستمبر 2025 19:45

راولپنڈی (اُردو پوائنٹ اخبارتازہ ترین - این این آئی۔ 15 ستمبر2025ء) دھمیال پولیس نے کارروائی کرتے ہوئے ڈیڑھ ماہ قبل رشتے کے تنازعے پر ہونے والے دوہرے قتل کے مقدمہ میں نامزد ملزم کو گرفتار کرلیا۔تفصیلات کے مطابق ملزم نے دھمیال کے علاقے میں فائرنگ کرکے باپ اور بیٹے کو قتل کردیا تھا۔

(جاری ہے)

پولیس کے مطابق زیر حراست شخص کو رنج تھا کہ اس کی بھتیجی نے پسند کی شادی کرلی تھی جس پر لڑکی کے والد کے ساتھ مل کر اس نے لڑکے کے بھائی اور والد کو قتل کیا۔

دھمیال پولیس نے ٹیکنیکل اور ہیومن انٹیلی جنس ذرائع استعمال کرتے ہوئے ملزم کو گرفتار کرلیا جبکہ اس کے ساتھی کی گرفتاری کے لیے بھی کارروائیاں جاری ہیں۔ پولیس نے کہا ہے کہ ملزم کو ٹھوس شواہد کے ساتھ چالان کر کے قرار واقعی سزا دلوائی جائے گی۔