راولپنڈی،تین منشیات سپلائرز کو 33 سال قید ، 6 لاکھ 80 ہزار جرمانے کی سزا

بدھ 17 ستمبر 2025 20:27

راولپنڈی(اُردو پوائنٹ اخبارتازہ ترین - این این آئی۔ 17 ستمبر2025ء)راولپنڈی پولیس کی موثر پولیسنگ کے باعث تین منشیات سپلائرز کوجرم ثابت ہونے پرمجموعی طور پر 33 سال قید اور 6 لاکھ 80 ہزار روپے جرمانے کی سزا سنادی گئی۔

(جاری ہے)

تفصیلات کے مطابق معزز عدالت نے مجرم شاہ زیب عباس کو15 سال قید اور 4 لاکھ روپے جرمانے کی سزا سنائی گئی، مجرم سے 5 کلو 500 گرام چرس برآمد ہونے پر تھانہ صادق آباد پولیس نے جولائی 2024 میں گرفتار کیا تھا، مجرم محمد وصال کو 9 سال قید اور2 لاکھ روپے جرمانے کی سزا سنائی گئی، مجرم سے 1 کلو 400 گرام چرس برآمد ہونے پر تھانہ رتہ امرال پولیس نے مارچ 2025 میں گرفتار کیا تھا، مجرم ظاہر شاہ کو 9 سال قید اور 80 ہزار روپے جرمانے کی سزا سنائی گئی، مجرم سے 1 کلو 480 گرام چرس برآمد ہونے پر تھانہ ٹیکسلا پولیس نے اپریل 2025 میں گرفتار کیا تھا، ٹھوس شواہد اور موثر پیروی کے پیش نظر معزز عدالتوں نے مجرمان کو قرار واقعی سزا ئیں سنائیں، سی پی او سید خالد ہمدانی نے ایس ایس پی انوسٹیگیشن اور تفتیشی و لیگل ٹیموں کو شاباش دیتے ہوئے کہا کہ منشیات کے ناسور کے خاتمے کے لیے تمام اقدامات اٹھائے جا رہے ہیں۔