سرگودھا پولیس کی جانب سے اتوار کے روزگرجا گھروں کی سیکورٹی کے فُول پروف انتظامات

اتوار 21 ستمبر 2025 19:20

سرگودھا -21 ستمبر (اے پی پی) (اُردو پوائنٹ اخبارتازہ ترین - اے پی پی۔ 21 ستمبر2025ء) سرگودھا پولیس کی جانب سے اتوار کے روز گرجا گھروں اور کریسچن عبادت گاہوں کی سیکورٹی کے فُول پروف انتظامات کئے گئے ۔ڈسٹرکٹ پولیس آفیسر سرگودہا محمد صہیب اشرف کی خصوصی ہدایت پر اتوار کے روزکرسچئن تہوار کے موقع پر سیکورٹی کے فُول پروف انتظامات کیے گئے۔اس سلسلہ میں سرگودھا پولیس کے ایک سو سے زائد مسلح پولیس افسران و ملازمان نے ڈیوٹی سرانجام دی،ایلیٹ فورس اورمحافظ اسکواڈ کے جوان بھی چرچز کے اردگرد گشت کرتے رہے۔

(جاری ہے)

اسکے علاوہ ٹریفک کی روانی کو برقرار رکھنے کے لیے ٹریفک پولیس کے جوان بھی الرٹ رہے۔ پروگرام میں شامل ہونے والے ہر شخص، گاڑی، موٹر سائیکل وغیرہ کو مکمل چیکنگ کے بعد آنے دیاگیا، علاوہ ازیں چیکنگ کے لئے اہم پوائنٹس پر واک تھرو گیٹ اور میٹل ڈیٹیکٹرکابھی استعمال یقینی بنایا گیا۔چرچز میں عورتوں کی شرکت کے حوالے سے لیڈیز پولیس کی ڈیو ٹی بھی لگائی گئی تھی ۔ چرچز پر پارکنگ کا مناسب انتظام کیا گیا تھا۔ڈسٹرکٹ پولیسافیسر محمد صہیب اشرف تمام سیکورٹی انتظامات کی خود نگرانی کرتے رہے۔