سیکرٹری کھیل وامور نوجوانان کا ڈی جی سپورٹس کے ہمراہ حیات آباد سپورٹس کمپلیکس کا دورہ کھیلوں کی سرگرمیوں کے حوالے سے تبادلہ خیال

جمعہ 26 ستمبر 2025 22:34

پشاور (اُردو پوائنٹ اخبارتازہ ترین - اے پی پی۔ 26 ستمبر2025ء) سیکر ٹری محکمہ کھیل و امور نوجوانان خیبر پختونخوا سعادت حسن اور ڈائریکٹر جنرل سپورٹس تاشفین حیدر نے حیات آباد سپورٹس کمپلیکس پشاور کا دورہ کیا جہاں انہوں نے کھیلوں کی دستیاب سہولیات کا جائزہ لیا۔ محکمہ کھیل خیبرپختونخوا تر جمان کے مطابق سیکرٹری کھیل نے کمپلیکس میں کرکٹ گراؤنڈ ،سوئمنگ پول،ٹینس کورٹ،فٹنس جم اور کھیلوں کے دیگر مقامات کا معائنہ کیا ۔

اس موقع پر ایڈمنسٹریٹر حیات آباد سپورٹس کمپلیکس عابد آفریدی نے سیکرٹری سپورٹس اور ڈی جی کو کمپلیکس میں دستیاب سپورٹس کورٹس اور کھیلوں کی سرگرمیوں کے حوالے سے تفصیلی بریفنگ بھی دی۔انہوں نے بتایاکہ کمپلیکس میں فیمیل فٹنس جم قائم کیا گیا ہے جو افتتاح کیلئے تیار ہے۔

(جاری ہے)

سیکرٹری سپورٹس نے اس موقع پرہدایت کی کہ حیات آباد سپورٹس کمپلیکس میں رننگ ٹریک اور بیڈ منٹن میٹس کیلئے پی سی ون جلد از جلد تیار کیا جائے۔

انہوں نے یقین دلایا کہ حیات آباد سپورٹس کمپلیکس شہر پشاور میں کھیلوں کی سرگرمیوں کے حوالے سے ایک اہم مقام رکھتا ہے کیونکہ شہر بھر کے لوگوں اور کھلاڑیوں کے لئے یہ تفریح اور سپورٹس کے حوالے سے ایک معیاری کمپلیکس ہے۔ انہوں نے کہا کہ اس کمپلیکس کو مزید سہولیات سے بھی لیس کیا جائے گا تاکہ یہاں پر شہر کے باسیوں کو سیر وتفریح اور کھیلوں کی تمام ضروری ضرورتیں میسر ہوں۔