فیصل آباد پولیس نے منشیات فروش کو گرفتار کرکے لاکھوں روپے مالیت کی ہیروئن برآمد کرلی

جمعرات 9 اکتوبر 2025 17:39

فیصل آباد (اُردو پوائنٹ اخبارتازہ ترین - اے پی پی۔ 09 اکتوبر2025ء) فیصل آباد پولیس نے منشیات فروش گرفتار کرکے لاکھوں روپے مالیت کی ہیروئن برآمد کرلی۔ تفصیلات کے مطابق تھانہ غلام محمد آباد پولیس نے کارروائی کرکے منشیات فروش نقاش نعیم کوگرفتار کرکے لاکھوں روپے مالیت کی ہیروئن برآمد کرلی۔

(جاری ہے)

حکام نے بتایا کہ ایس ایچ او تھانہ بٹالہ کالونی معہ اے ایس آئی طارق حسین نے کاروائی کرتے ہوئے منشیات فروش ملزم نقاش نعیم کو گرفتار کیا۔گرفتار ملزم کے قبضہ سے لاکھوں روپے مالیت کی 1.04 کلو گرام ہیروئن برآمد کرلی گئی۔ملزم شہر کے مختلف علاقوں میں منشیات سپلائی کرتا تھا۔پولیس نے ملزم کے خلاف منشیات ایکٹ کے تحت مقدمہ درج کرکے مزید تفتیش شروع کر دی۔