ٹک ٹاک کی محبت، 5 بچوں کی ماں نے دوسری شادی رچا لی

عدالت کی طرف سے اجازت ملنے پر ثناء دوسرے شوہر کے ساتھ چلی گئی، بچے زارو قطار روتے رہے

جمعرات 9 اکتوبر 2025 22:58

ٹک ٹاک کی محبت، 5 بچوں کی ماں نے دوسری شادی رچا لی

لاہور (اُردو پوائنٹ اخبارتازہ ترین - این این آئی۔ 09 اکتوبر2025ء) ٹک ٹاک کی محبت ، 5بچوں کی ماں نے ثناء نے پہلے شوہر نے خلع لے کر دوسری شادی کر لی۔ اطلاعات کے مطابق ثنا نامی خاتون اپنے 5بچوں کو چھوڑ کر گھر سے چلی گئی تھی، گزشتہ روز ایڈیشنل سیشن جج عمران خورشید کی عدالت میں اس کیس کی سماعت ہوئی، عدالت نے پولیس کی وساطت سے ثناء کو طلب کیا۔خاتون نے موقف اختیار کیا کہ میں نے خلع لے لی ہے لہٰذا میں پہلے شوہر شہباز کے ساتھ زندگی بسر نہیں کرسکتی۔

(جاری ہے)

سابق شوہر کا کہنا تھا کہ مجھے علم ہی نہیں کہ ثناء نے عدالت سے کب خلع لی ۔عدالت میں قانونی نقطہ یہ اٹھایا گیا کہ جب طلاق دی جاتی ہے تو عدت پوری کرنی ہوتی ہے، یونین کونسل کا سڑٹیفکیٹ لینا پڑتا ہے لیکن اس خاتون کوئی سڑٹیفکیٹ نہیں لیا اور نہ ہی عدت کی مدت پوری کی۔ عدالت کی طرف سے اجازت ملنے پر ماں نے بچوں کے ہاتھ سے اپنا ہاتھ چھڑایا اور دوسرے شوہر کے ساتھ چلی گئی۔سماعت کے بعد بچوں نے رونا شروع کردیا۔بچوں کا کہنا تھا کہ ہماری ماں ہمیں کیسے چھوڑ کر جاسکتی ہی بڑی بچی اور بیٹا زارو قطار روتے رہے۔