چین، بیجنگ میں خواتین کی تربیت سازی کے عالمی مرکز کا افتتاح

بدھ 15 اکتوبر 2025 10:40

بیجنگ (اُردو پوائنٹ اخبارتازہ ترین - اے پی پی۔ 15 اکتوبر2025ء) چین کے دارالحکومت بیجنگ میں خواتین کی تربیت سازی کے عالمی مرکز کا افتتاح کر دیا گیا۔ سی جی ٹی این کے مطابق آل چائنا ویمنز فیڈریشن اور چائنا انٹرنیشنل ڈویلپمنٹ کوآپریشن ایجنسی کی جانب سے مشترکہ طور پر قائم کیے گئے خواتین کی تربیت سازی کے مرکز کا بیجنگ میں بدھ کو افتتاح کیا گیا۔

(جاری ہے)

یہ مرکز متعلقہ حکومتوں اور بین الاقوامی تنظیموں کے تعاون کے ذریعے خواتین کے شعبے میں صلاحیتوں کو بہتر بنانے اورترقی کو فروغ دے گا، خواتین کی نمایاں صلاحیتوں کو پروان چڑھائے گا اور عالمی صنفی مساوات کی ترقی میں اپنا کردار ادا کرے گا۔ یہ مرکز خواتین کیلئے بین الاقوامی ترقیاتی تعاون پر تحقیق بھی کرے گا، خواتین سے متعلق تقریبات کی میزبانی کرے گا اور خواتین کی ترقی پر عالمی تعاون اور تبادلے کے لیے ایک کھلا، باہمی تعاون اور اشتراک پر مبنی پلیٹ فارم فراہم کرے گا۔ مرکز کا مقصد چینی دانشمندی اور حل کو دنیا بھر کی خواتین کے ساتھ شیئر کرنا ہے۔