راولپنڈی پولیس کی کارروائیاں، پانچ افراد گرفتار ،33 لیٹر شراب اور اسلحہ معہ ایمونیشن برآمد

ہفتہ 18 اکتوبر 2025 19:23

راولپنڈی(اُردو پوائنٹ اخبارتازہ ترین - این این آئی۔ 18 اکتوبر2025ء) راولپنڈی پولیس کی کارروائیاں، 05 افراد کو حراست میں لے کر 33 لیٹر شراب اور اسلحہ معہ ایمونیشن برآمد کر لیا۔

(جاری ہے)

تفصیلات کے مطابق تھانہ سول لائنز پولیس نے ایک فرد کو حراست میں لے کر 20 لیٹر شراب برآمد کی، مورگاہ پولیس نے ایک فرد کو حراست میں لے کر 07 لیٹر شراب برآمد کی، روات پولیس نے ایک فرد کو حراست میں لے کر 06 لیٹر شراب برآمد کی، صادق آباد پولیس نے ایک فرد کو حراست میں لے کر اسلحہ معہ ایمونیشن، جاتلی پولیس نے ایک فرد کو حراست میں لے کر اسلحہ معہ ایمونیشن برآمد کر کے الگ الگ مقدمات درج کر لیے، ڈویژنل ایس پیز کا کہنا تھا کہ منشیات اور ناجائز اسلحہ رکھنے والے افراد قانون کی گرفت سے نہیں بچ سکتے۔