قرضہ جات کی وصولی ، گندم زیادہ اگائو مہم اور انسداد سموگ آگاہی مہم کا سلسلہ جاری ہے، اسسٹنٹ ڈائریکٹر محکمہ زراعت سمبڑیال

جمعرات 20 نومبر 2025 10:50

سیالکوٹ (اُردو پوائنٹ اخبارتازہ ترین - اے پی پی۔ 20 نومبر2025ء) وزیراعلیٰ پنجاب مریم نواز شریف سکیم کے تحت دیے گئے قرضہ جات کی وصولی ، گندم زیادہ اگائو مہم اور انسداد سموگ آگاہی مہم کا سلسلہ جاری ہے ۔ ان خیالات کا اظہار اسسٹنٹ ڈائریکٹر محکمہ زراعت توسیع سمبڑیال ڈاکٹر افتخار حسین بھٹی نے آج جمعرات کو اے پی پی سے گفتگو کرتے ہوئے کیا۔

(جاری ہے)

انہوں نے کہا کہ وزیراعلیٰ پنجاب کی طرف سے بغیر سود کے کسانوں کو دیئے گئے کسان کارڈز کے ذریعے قرضہ جات کی وصولی جاری ہے، گندم کی زیادہ سے زیادہ کاشت کی مہم اور انسداد سموگ اور فصلوں کی باقیات کونہ جلانے سے متعلق آگاہی کا سلسلہ بھی جاری ہے، انہوں نے کہا کہ انسداد سموگ کے تحت باقیات جلانے والے کسانوں کی نگرانی جاری ہے اور خلاف ورزی کرنے والوں کے خلاف قانونی کارروائیاں جاری ہیں۔

انہوں نے مزید بتایا کہ گندم کی فصل 2025-26 کے لیے نوٹیفائیڈ قیمتوں پر کھاد کی ہموار فراہمی کے لیے کھاد ڈیلرز کی روزانہ کی بنیاد پر چیکنگ بھی جاری ہے۔اسسٹنٹ ڈائریکٹر نے بتایا کہ قرعہ اندازی کے ذریعے سے جیتنے والے کسانوں میں ہائی پاور گرین ٹریکٹرز کی تقسیم بھی جاری ہے۔