پنجاب حکومت کے موثر اقدامات سے ٹیکنالوجی پر مبنی جھینگوں کی فزائش، آبی زراعت اور ویلیو چین کا آغاز

پیر 15 دسمبر 2025 22:52

لاہور (اُردو پوائنٹ اخبارتازہ ترین - این این آئی۔ 15 دسمبر2025ء) پنجاب حکومت کے موثر اقدامات سے ٹیکنالوجی پر مبنی جھینگوں کی فزائش، آبی زراعت اور ویلیو چین کا آغاز کر دیا ہے۔ 100 ایکڑ اراضی پر جھینگوں کی افزائش کے آزمائشی وتحقیقی منصوبے کے کامیاب تجربے کے بعد باضابطہ طور پرصنعت کام مقام دیا گیا ہے۔ وزیراعلیٰ مریم نواز شریف نے کہا ہے کہ سائنسی تحقیق پر مبنی یہ اہم کامیابی پنجاب میں بلیو اکانومی کے ایک نئے دور کاآغازہے۔

(جاری ہے)

منصوبے میں ہیچریز، ایکوا مالز، پروسیسنگ پلانٹس، کولڈ اسٹوریج اور مربوط ٹرانسپورٹ چین شامل ہیں۔وزیراعلیٰ مریم نواز شریف نے کہا کہ مارچ 2026ء تک مظفرگڑھ اور سرگودھا میںپانچ ہزار 300یکڑ پر مشتمل جھینگا اسٹیٹس کا آغاز کریں گے۔ یہ منصوبہ عالمی تحقیق و ترقی، جدید آبی زرعی ٹیکنالوجیزسے تیار ہوا۔ متحدہ عرب امارات، سعودی عرب، تھائی لینڈ، ایکواڈور، آسٹریلیا اور میکسیکو کے عالمی معیار کے ماہرین کی معاونت حاصل کی گئی۔ منصوبے کا باقاعدہ آغاز ہو چکا ہے، مشینری موقع پر موجود ہے اور ٹیمیں دن رات کام کر رہی ہیں۔ مزید2600 ایکڑ کے لیے فیزیبلٹی اسٹڈی جاری ہے۔ اگلے سال کے آغاز میں کسانوں کے لیے اس منصوبے کو حتمی شکل دیں گے۔