یونیورسٹی آف ہری پور میں بی ایس اکنامکس ڈیپارٹمنٹ کی جانب سے ایک تعلیمی تقریب کا انعقاد

بدھ 7 جنوری 2026 19:56

ہری پور (اُردو پوائنٹ اخبارتازہ ترین - اے پی پی۔ 07 جنوری2026ء) یونیورسٹی آف ہری پور میں بی ایس اکنامکس ڈیپارٹمنٹ کی جانب سے ایک تعلیمی تقریب منعقد ہوئی۔ پروقار تقریب میں وائس چانسلر پروفیسر ڈاکٹر شفیق الرحمن نے باضابطہ طور پر بی ایس اکنامکس کی ڈگری مرحوم ملک نصرت کی بیٹی فضہ بی بی کو عطا کی۔ یونیورسٹی آف ہری پور کے ترجمان کی جانب سے جاری بیان میں کہا گیا ہے کہ تقریب فضہ بی بی کی انڈر گریجویٹ تعلیم کی کامیاب تکمیل سمیت علمی برتری، ہمدردی اور طلبہ اقدار کے مضبوط عزم کی عکاسی کرتی تھی۔

تقریب کی گہری جذباتی اہمیت تھی، بی ایس پروگرام کے دوران فضہ بی بی نے اپنے والد کے انتقال کے باعث شدید ذاتی مشکلات کا سامنا کیا، ان چیلنجز کے باوجود ان کی والدہ بھی صحت کے مسائل سے دوچار ہیں تاہم فضہ نے اپنی تعلیم کیلئے غیر معمولی صبر، استقامت اور لگن کا مظاہرہ کیا۔

(جاری ہے)

اپنی ڈگری اپنی والدہ کی موجودگی میں حاصل کرنے کی فضہ کی دلی خواہش تعلیمی سفر میں طاقت، شکر گذاری اور خاندانی حمایت کی علامت بن گئی۔

وائس چانسلر پروفیسر ڈاکٹر شفیق الرحمن نے طلبہ کے ساتھ کھڑے ہو کر اس کی مکمل اخلاقی اور جذباتی حمایت کرتے ہوئے کہا کہ یونیورسٹی آف ہری پور نہ صرف علمی ترقی کی پرورش کرتی ہے بلکہ مشکل وقتوں میں اپنے طلباء کے ساتھ مضبوطی سے کھڑی رہتی ہے، ان سب کو حوصلہ، امید اور اعتماد کے ساتھ آگے بڑھنے کی ترغیب دیتی ہے۔ تقریب میں شعبہ اکانومی کے چیئرمین ڈاکٹر احتشام الحق اور اسسٹنٹ پروفیسر رخسانہ ناہید نے بھی شرکت کی جنہوں نے فضہ بی بی کے عزم اور علمی کارنامہ کی تعریف کی۔ انہوں نے اس کے مستقبل کے پیشہ وارانہ اور ذاتی مشاغل کیلئے دلی مبارکباد سمیت نیک خواہشات کا اظہار کیا۔

Facebook Twitter Google + Share on Whatsapp

یونیورسٹی آف ہری پور میں بی ایس اکنامکس ڈیپارٹمنٹ کی جانب سے ایک تعلیمی تقریب کا انعقاد

متعلقہ عنوان :

مزید تعلیم کی خبریں