وزیراعلیٰ پنجاب کسان کارڈ فیز تھری کے تحت 31 مارچ2026 تک خریداری کی جاسکتی ہے، اسسٹنٹ ڈائریکٹر

پیر 16 مارچ 2026 17:44

سیالكوٹ (اُردو پوائنٹ اخبارتازہ ترین - اے پی پی۔ 16 مارچ2026ء) وزیراعلیٰ پنجاب کسان کارڈ فیز تھری کے تحت 31 مارچ2026 تک خریداری کی جاسکتی ہے اور کسان کارڈ کی ریکوری کا عمل 16 اپریل سے شروع ہوگا۔

(جاری ہے)

اسسٹنٹ ڈائریکٹر محکمہ زراعت سمبڑیال ڈاکٹر افتخار حسین بھٹی نے کسانوں کے نام اپنے پیغام میں کہا ہے کہ وزیراعلیٰ پنجاب مریم نواز شریف کی جاری کردہ کسانوں کیلئے اسکیموں سے فائدہ اٹھائیں اور فصلوں کی زیادہ سے زیادہ پیداوار کریں۔انہوں نے بتایا کہ کسان کارڈ کے ذریعے بلاسود خریداری کا عمل پہلے سے جاری ہے ،کاشتکاروں کو مطلع کیا جاتا ہے کہ کسان کارڈ فیز تھری کے تحت 31 مارچ2026 تک خریداری کی جاسکتی ہے اور کسان کارڈ کی ریکوری کا عمل 16 اپریل سے شروع ہوگا۔