20 مارچ تک پنجاب کے بیشتر اضلاع میں بارشوں کا امکان ہے، پی ڈی ایم اے

جمعرات 19 مارچ 2026 16:07

لاہور (اُردو پوائنٹ اخبارتازہ ترین - اے پی پی۔ 19 مارچ2026ء) پی ڈی ایم اے پنجاب نے کہا ہے کہ20 مارچ تک پنجاب کے بیشتر اضلاع میں بارشوں کا امکان ہے۔

(جاری ہے)

ترجمان کے مطابق راولپنڈی، مری، گلیات، اٹک، جہلم، چکوال، تلہ گنگ، گجرانوالہ،لاہور،حافظ آباد، وزیر آباد، سرگودھا، میانوالی، شیخوپورہ، گجرات، خوشاب، منڈی بہاوالدین، سیالکوٹ، نارووال، فیصل آباد، جھنگ، چنیوٹ، بھکر، لیہ، ڈیرہ غازی خان، ملتان، کوٹ ادو، بہاولپور، بہاولنگر، رحیم یارخان میں بارش کا امکان ہے۔

پی ڈی ایم اے نے صوبے بھر کی انتظامیہ و ریسکیو اداروں کو متوقع بارشوں کے بارے الرٹ جاری کر دیا ہے۔شہریوں سے گزارش ہے کہ خراب موسم کی صورتحال میں غیر ضروری سفر سے گریز کریں ،آسمانی بجلی سے بچائو کیلئے محفوظ مقامات پر رہیں اور کھلے آسمان تلے ہرگز نہ جائیں ۔ڈی جی پی ڈی ایم اے نے کہا کہ پی ڈی ایم اے کنٹرول روم میں صورتحال کی مانیٹرنگ 24/7 جاری ہے۔ایمرجنسی صورتحال میں پی ڈی ایم اے ہیلپ لائن 1129 پر کال کریں۔