پاکستان نے اقلیتوں کے حقوق کا خیال رکھا ،ہمیں مکمل آزادی ہے، بینیتا ڈیوڈ

جمعہ 17 اپریل 2026 18:31

کراچی (اُردو پوائنٹ اخبارتازہ ترین - این این آئی۔ 17 اپریل2026ء) اداکارہ بینیتا ڈیوڈ نے کہاہے کہ پاکستان نے اقلیتوں کے حقوق کا خیال رکھا ،ہمیں مکمل آزادی ہے۔ ایک پوڈ کاسٹ انٹرویو میں اداکارہ نے بتایا کہ پاکستان میں مسیحی برادری ناصرف اپنے مذہبی تہوار جیسے کرسمس اور ایسٹر مناتی ہے بلکہ عیدالفطر اور عیدالاضحی بھی جوش و خروش سے مناتی ہے۔

(جاری ہے)

انہوں نے بتایا کہ ہم مسیحی 4عیدیں مناتے ہیں اور تمام مذہبی و ثقافتی تقریبات میں بھرپور حصہ لیتے ہیں۔

بینیتا ڈیوڈ نے کہا کہ پاکستان میں مجھے اپنے عقائد کے تحفظ، عزت اور روزگار کے مواقع میسر آئے ہیں، پاکستان نے اقلیتوں کے حقوق کا خیال رکھا ہے اور ہمیں یہاں مکمل آزادی حاصل ہے۔ انہوں نے کہا کہ میرے شوہر بھی اس بات کو ناپسند کرتے ہیں کہ ٹی وی پروگرامز میں ہمارے مذہب سے متعلق غیر ضروری یا عجیب سوالات کئے جائیں۔