زیرگردش کرنسی کے حجم میں کمی ، زروسیع اوربینکوں کے ڈیپازٹس میں اضافہ ریکارڈ

منگل 5 مئی 2026 15:06

اسلام آباد (اُردو پوائنٹ اخبارتازہ ترین - اے پی پی۔ 05 مئی2026ء) زیرگردش کرنسی کے حجم میں ہفتہ واربنیادوں پرکمی جبکہ زروسیع اوربینکوں کے ڈیپازٹس میں اضافہ ریکارڈکیاگیاہے۔

(جاری ہے)

سٹیٹ بینک کی جانب سے جاری کردہ اعدادوشمارکے مطابق24اپریل کوختم ہونے والے ہفتہ میں زیرگردش کرنسی کاحجم 11749ارب روپے ریکارڈکیاگیا جوپیوستہ ہفتہ کے مقابلہ میں 0.8فیصدکم ہے،پیوستہ ہفتہ(17اپریل) کے اختتام پرزیرگردش کرنسی کاحجم11848 ارب روپے ریکارڈکیاگیاتھا،جاری مالی سال کے آغازسے لیکراب تک زیرگردش کرنسی کے حجم میں مجموعی طورپر10.5فیصدکااضافہ ریکارڈکیاگیاہے،اعدادوشمارکے مطابق24 اپریل کوختم ہونے والے ہفتہ میں زروسیع کاحجم 42636ارب روپے ریکارڈکیاگیا جوپیوستہ ہفتہ کے مقابلہ میں 0.4فیصدزیادہ ہے،پیوستہ ہفتہ کے اختتام پرزروسیع کاحجم 42457ارب روپے ریکارڈکیاگیاتھا،جاری مالی سال کے آغازسے لیکراب تک زروسیع میں مجموعی طورپر4.5فیصدکی نموریکارڈکی گئی ہے،اعدادوشمارکے مطابق24 اپریل کوختم ہونے والے ہفتہ میں بینکوں کے ڈیپازٹس کاحجم 30845ارب روپے ریکارڈکیاگیا جوپیوستہ ہفتہ کے مقابلہ میں 0.9فیصدزیادہ ہے،پیوستہ ہفتہ کے اختتام پربینکوں کے ڈیپازٹس کاحجم 30563ارب روپے ریکارڈکیاگیاتھا، جاری مالی سال کے آغازسے لیکراب تک بینکوں کے ڈیپازٹس میں مجموعی طورپر2.5فیصدکااضافہ ہواہے۔