5 مئی سے شاھرگ کوئلہ لوڈنگ مکمل طور پر بند رہے گی، اور یہ بندش مسائل کے حل تک جاری رکھی جائے گی، گڈز ٹرک اونر ایسوسی ایشن

ژوب (اُردو پوائنٹ اخبارتازہ ترین - آن لائن۔ 05 مئی2026ء) گڈزٹرک اونرز ایسوسی ایشن کے زیر اہتمام سیال بازار، کوئٹہ روڈ ژوب میں ایک اہم اجلاس منعقد ہوا، جس میں ٹرانسپورٹرز اور متعلقہ افراد نے بھرپور شرکت کی۔ اجلاس میں خصوصی طور پر شاھرگ کے علاقے میں ٹرانسپورٹ سے وابستہ درپیش مسائل پر تفصیلی غور و خوض کیا گیا، جہاں موجودہ صورتحال کے باعث ٹرانسپورٹر برادری کو شدید مشکلات اور پریشانیوں کا سامنا ہے۔

شرکا کی متفقہ رائے سے فیصلہ کیا گیا کہ 5 مئی سے شاھرگ کوئلہ لوڈنگ مکمل طور پر بند رہے گی، اور یہ بندش مسائل کے حل تک جاری رکھی جائے گی۔ مزید برآں، 7 مئی کو ژوب کوئٹہ روڈ، این اے 50 اور لورالائی ڈی جی خان روڈ این اے 70 بھی گڈز ٹرانسپورٹ کی جانب سے شاھرگ کوئلے کیلئے بند رہیں گے۔

(جاری ہے)

اس روز گڈز ٹرک اونرز ایسوسی ایشن اور ٹرانسپورٹرز احتجاجا بیٹھیں گے اور شاھرگ کوئلے کیسپلائی آگے نہیں جانے دی جائے گی۔

اجلاس میں یہ بھی واضح کیا گیا کہ جو شخص اس اجتماعی فیصلے کی خلاف ورزی کرے گا، وہ اپنے ہر قسم کے نقصان کا خود ذمہ دار ہوگا۔تمام شرکا نے ان فیصلوں کی بھرپور تائید کرتے ہوئے اس عزم کا اظہار کیا کہ ٹرانسپورٹر برادری متحد ہو کر اپنے جائز حقوق کے حصول کے لیے پرامن، منظم اور بھرپور جدوجہد جاری رکھے گی۔ اتحاد ہی ہماری طاقت ہے، اور اسی اتحاد سے کامیابی حاصل ہوگی۔

علامہ اقبال اوپن یونیورسٹی کے علاقائی دفتر ژوب میں وزیر اعظم یوتھ پروگرام کے تحت طلبہ و طالبات میں لیپ ٹاپ تقسیم کرنے کی ایک پروقار تقریب منعقد ہوئی تقریب کے مہمانِ خصوصی ایڈیشنل ڈپٹی کمشنر اورنگزیب کاسی تھے جبکہ اسسٹنٹ ڈائریکٹر یونیورسٹی ملک محمد نوید قمر سمیت طلبہ اور دیگر متعلقہ افراد نے بھی شرکت کی تقریب کے دوران میرٹ پر پورا اترنے والے طلبہ و طالبات میں لیپ ٹاپس تقسیم کیے گئے اس موقع پر مہمانِ خصوصی اورنگزیب کاسی اور ریجنل ڈائریکٹر ملک محمد نوید قمر نے اپنے خطاب میں کہا کہ حکومت کی جانب سے شروع کیا گیا یہ اقدام نوجوانوں کو جدید تقاضوں سے ہم آہنگ کرنے کی ایک اہم کاوش ہے انہوں نے کہا کہ آج کے دور میں انفارمیشن ٹیکنالوجی تعلیم کا لازمی جزو بن چکی ہے اور لیپ ٹاپ جیسے وسائل طلبہ کو تحقیق آن لائن تعلیم اور دیگر تعلیمی سرگرمیوں میں بھرپور مدد فراہم کرتے ہیں