جیکب آباد میں شہید اللہ بخش سومرو کی 83ویں برسی منائی گئی، مختلف سیاسی و سماجی رہنماؤں کی شرکت

جمعہ 15 مئی 2026 18:57

جیکب آباد(اُردو پوائنٹ اخبارتازہ ترین - این این آئی۔ 15 مئی2026ء) جیکب آباد میں شہید اللہ بخش سومرو کی 83ویں برسی منائی گئی، مختلف سیاسی و سماجی رہنماؤں کی شرکت۔

(جاری ہے)

تفصیلات کے مطابق جیکب آباد میں عظیم قومی رہنما شہید اللہ بخش سومرو کی 83ویں برسی کے موقع پر آپسا ہاؤس میں ایک تقریب منعقد کی گئی، تقریب کا اہتمام آپسا کے ضلعی صدر حاجی گل حسن سومرو اور تعلقہ صدر وڈیرہ نور احمد سومرو کی جانب سے کیا گیا، تقریب میں آپسا کے مرکزی رہنما محبوب علی سومرو، سندھ دوست کمیٹی کے انتظار حسین چھلگری، محمد عالم کھوسو، پی پی شہید بھٹو کے رہنما ندیم قریشی، ایس ٹی پی کے عبدالمجید سرکی، جان محمد سومرو، ایڈوکیٹ محمد عظیم سومرو، ایڈوکیٹ زاہد حسین سومرو، عبدالسمیع سومرو، محمد حسن سومرو، محمد ہاشم سومرو، اکبر سومرو، عبدالباقی سومرو سمیت مختلف سیاسی، سماجی اور ادبی شخصیات نے بڑی تعداد میں شرکت کی، مقررین نے اپنے خطاب میں شہید اللہ بخش سومرو کی قومی، سیاسی اور عوامی خدمات پر تفصیلی روشنی ڈالی اور انہیں خراج عقیدت پیش کرتے ہوئے کہا کہ شہید اللہ بخش سومرو نے عوامی حق، جمہوریت اور سندھ کے عوام کی خدمت کے لیے تاریخی کردار ادا کیا، رہنماؤں کا کہنا تھا کہ شہید اللہ بخش سومرو کی جدوجہد آج بھی نئی نسل کے لیے مشعل راہ ہے۔