_28ویں آئینی ترمیم کی کوئی ضرورت نہیں، رضا ربانی

26ویں،27ویں ترامیم آئین کی متعدد دفعات، خصوصاً عدلیہ سے متعلق شقوں کو مسخ کرچکی ہیں‘پی پی سینیٹر

پیر 18 مئی 2026 20:35

اسلام آباد(اُردو پوائنٹ اخبارتازہ ترین - آن لائن۔ 18 مئی2026ء) سابق چیئرمین سینیٹ اور پیپلز پارٹی کے سینئر رہنما سینیٹر رضا ربانی نے کہا ہے کہ 28ویں آئینی ترمیم کی کوئی ضرورت نہیں ہے۔اسلام آباد سے جاری بیان میں سینیٹر رضا ربانی نے کہا کہ حکمران اشرافیہ کو ادراک ہونا چاہیے کہ آئین مزید کسی آئینی ترمیم کا بوجھ برداشت نہیں کرسکتا۔

(جاری ہے)

انہوں نے کہا کہ 28ویں آئینی ترمیم کی کوئی ضرورت نہیں ہے، 26ویں،27ویں ترامیم آئین کی متعدد دفعات، خصوصاً عدلیہ سے متعلق شقوں کو مسخ کرچکی ہیں۔

پی پی سینیٹرنے مزید کہا کہ کسی جج کا اُس کی رضامندی کے بغیر تبادلہ عدلیہ کی آزادی پر ضرب ہے، وفاقی حکومت کو چاہیے کہ وہ ان دونوں ترامیم کے خلاف پیدا ہونے والے ردِعمل کا جائزہ لے۔اُن کا کہنا تھا کہ وفاقی حکومت تمام متعلقہ فریقین سے مشاورت کے بعد اصلاحی اقدامات کرے، نئیصوبوں کا قیام اور صوبائی خودمختاری ایسے معاملات ہیں جنہیں چھیڑنا مناسب نہیں