’’میں اکیلا کیسے ہو سکتا ہوں جب میرے پاس فیملی اور آپ جیسے مداح ہوں‘‘

منگل 19 مئی 2026 23:36

ممبئی (اُردو پوائنٹ اخبارتازہ ترین - آن لائن۔ 19 مئی2026ء) سپر اسٹار سلمان خان نے تنہائی سے متعلق اپنی ٹوئٹ پر وضاحت پیش کردی۔سلمان خان نے ایکس پر ٹوئٹ کی جس میں انہوں نے لکھا 'میں اپنی بات نہیں کر رہا تھا، میں اکیلا کیسے ہو سکتا ہوں جب میرے پاس فیملی اور آپ جیسے مداح ہوں، اگر آپ سب کی دعاؤں کے باوجود بھی میں نے خود کو اکیلا کہا تو میں دنیا کا سب سے بڑا ناشکرا ہوں گا'۔

اداکار نے لکھا 'کبھی کبھی لوگوں کے ساتھ رہ کر پک جاتا ہوں، اسی لیے چاہتا ہوں کچھ وقت اکیلے گزاروں'۔

(جاری ہے)

سلمان خان نے مزید کہا اس بار تصویر کو بریکنگ نیوز بنادیا، ماں پوچھ رہی ہیں کہ کیا ہوا بیٹا'۔واضح رہے کہ اداکار نے اپنی سابقہ ٹوئٹ میں ایک تصویر شیئر کرتے ہوئے لکھا کہ اپنے آپ کے ساتھ رہنے کے 2 طریقے ہیں، اکیلے اور تنہا، اکیلے رہنا آپ کا اپنا انتخاب ہوتا ہے اور تنہا جب کوئی آپ کے ساتھ نہیں رہنا چاہتا۔

اداکار نے مزید لکھا کہ اب اس کے بعد لوگ خود سمجھ جائیں کہ انہیں کیا کرنا چاہیے۔اس پوسٹ کے بعد مداحوں نے کمنٹ سیکشن میں اداکار کے لیے محبت اور حمایت کا اظہار کیا، کئی صارفین نے 60 برس کی عمر میں بھی ان کی فٹنس اور شخصیت کو سراہا، جبکہ کچھ مداحوں نے ان کے الفاظ کو ان کی ادھوری محبت اور تنہائی سے جوڑ دیا۔