Live Updates

ایران کیساتھ معاہدے کی حمایت کیلئے ہر ممکن مدد کیلئے تیار ہیں، رجب طیب اردگان

آبنائے ہرمز سے آزاد گزرگاہ کا معاہدہ خطے میں استحکام کے لیے اہم ہے، ترک صدر

اتوار 24 مئی 2026 21:50

استنبول(اُردو پوائنٹ اخبارتازہ ترین - این این آئی۔ 24 مئی2026ء) ترک صدر رجب طیب اردگان نے کہا ہے کہ ایران کے ساتھ ممکنہ معاہدے کی حمایت کے لیے ہر ممکن مدد کے لیے تیار ہیں۔میڈیا رپورٹس کے مطابق ترک صدر نے کہا کہ امریکی صدر ڈونلڈ ٹرمپ اور علاقائی رہنماؤں کے ساتھ گفتگو میں تعاون کی یقین دہانی کرائی ہے۔

(جاری ہے)

انہوں نے کہا کہ آبنائے ہرمز سے آزاد گزرگاہ کا معاہدہ خطے میں استحکام کے لیے اہم ہے، معاہدہ عالمی معیشت کو ریلیف دینے اور توانائی منڈیوں کو مستحکم کرنے میں مدد دے گا۔

انہوں نے کہا کہ ترکیہ کسی بھی ممکنہ معاہدے کے نفاذ میں فعال کردار ادا کرنے کو تیار ہے،پاکستانی فیلڈ مارشل عاصم منیر ،امریکا، خلیجی ممالک اور علاقائی رہنماؤں کے ساتھ ایران کی صورتحال پر ٹیلی کانفرنس ہوئی ہے۔