سعودی عرب، رواں سال کی پہلی سہ ماہی میں مجموعی ملکی پیداوارمیں 3 فیصد نمو ریکارڈ

بدھ 10 جون 2026 21:51

ریاض (اُردو پوائنٹ اخبارتازہ ترین - این این آئی۔ 10 جون2026ء) سعودی عرب کی رواں سال کی پہلی سہ ماہی میں مجموعی ملکی پیداوار میں 3 فیصد نمو ریکارڈ کی گئی ہے ۔

(جاری ہے)

عرب ٹی وی نیسعودی جنرل اتھارٹی برائے شماریات کے تخمینوں کے حوالے سے بتایا کہ 2025 کی اسی مدت کے مقابلے میں 2026 کی پہلی سہ ماہی میں مجموعی ملکی پیداوار میں 3 فیصد حقیقی نمو ریکارڈ کی گئی ۔ یہ اعداد و شمار اتھارٹی کے گزشتہ فوری تخمینوں سے زیادہ ہیں، جن میں سالانہ بنیادوں پر 2.8 فیصد نمو دکھائی گئی تھی۔اتھارٹی نے اپنی رپورٹ میں بتایا کہ یہ نمو تمام اہم معاشی سرگرمیوں میں اضافے کا نتیجہ ہے۔ تیل اور غیر تیل سرگرمیوں میں سے ہر ایک میں 2.9 فیصد اضافہ ہوا، جبکہ سرکاری سرگرمیوں میں 1.5 فیصد کی نمو دیکھی گئی۔