Live Updates

وفاقی بجٹ ، حکومت کا عوام اور تنخواہ دار طبقے کیلئے ریلیف

پٹرول و ڈیزل پر 128 ارب روپے سبسڈی، انکم ٹیکس میں کمی، سپر ٹیکس اور خواتین کے سینیٹری پیڈز پر ٹیکس ختم کرنے کا اعلان

فیضان ہاشمی جمعہ 12 جون 2026 18:00

وفاقی بجٹ ، حکومت کا عوام اور تنخواہ دار طبقے کیلئے ریلیف

اسلام آباد (اُردو پوائنٹ اخبارتازہ ترین۔ 12 جون2026ء) وفاقی حکومت نے مالی سال 2026-27 کے بجٹ میں عوام، تنخواہ دار طبقے اور کاروباری برادری کو بڑا ریلیف دینے کے لیے اہم اعلانات کر دیے۔ تفصیلات کے مطابق وفاقی وزیر خزانہ محمد اورنگزیب نے18 ہزار ارب روپے سے زائد کا وفاقی بجٹ قومی اسمبلی میں پیش کردیا، اپنی بجٹ میں وفاقی وزیر خزانہ کا کہنا تھا کہ حکومت نے پٹرول اور ڈیزل کی قیمتوں میں عوام کو براہ راست ریلیف فراہم کرنے کے لیے 128 ارب روپے کی عمومی سبسڈی دینے کا اعلان کیا ہے تاکہ مہنگائی کے اثرات کو کم کیا جا سکے۔

(جاری ہے)

تنخواہ دار طبقے کے لیے آمدن کی چار مختلف سلیبز پر انکم ٹیکس کی شرح میں نمایاں کمی تجویز کی گئی ہے، جبکہ ملازمین پر عائد دیرینہ سرچارج کو مکمل طور پر ختم کرنے کا فیصلہ بھی کیا گیا ہے۔ ان کا مزید کہنا تھا کہ کاروباری طبقے کے لیے بھی حکومت نے اہم رعایت دیتے ہوئے 15 کروڑ سے 50 کروڑ روپے تک کی آمدنی پر عائد سپر ٹیکس مکمل ختم کرنے کی تجویز پیش کی ہے، جس سے کاروباری سرگرمیوں میں اضافے کی توقع ظاہر کی جا رہی ہے۔ اس کے علاوہ خواتین کی صحت سے متعلق بنیادی ضرورت سمجھی جانے والی اشیاء، خصوصاً سینیٹری پیڈز پر عائد ٹیکس مکمل ختم کرنے کا اعلان کیا گیا ہے۔