دبئی ایئرپورٹ پر لاوارث سوٹ کیس سے 223 زندہ جنگلی جانور برآمد

سوٹ کیس میں چھپائے گئے جانوروں میں چھپکلیاں، سانپ، بچھو اور مینڈک شامل تھے،حکام

ہفتہ 13 جون 2026 17:39

دبئی ایئرپورٹ پر لاوارث سوٹ کیس سے 223 زندہ جنگلی جانور برآمد

دبئی (اُردو پوائنٹ اخبارتازہ ترین - این این آئی۔ 13 جون2026ء) دبئی کسٹمز نے دبئی ایئر پورٹ پر 1 لاوارث سوٹ کیس سے 223 زندہ جنگلی جانور برآمد کر کے اسمگلنگ کی بڑی کوشش ناکام بنا دی۔حکام کے مطابق سوٹ کیس میں چھپائے گئے جانوروں میں چھپکلیاں، سانپ، بچھو اور مینڈک شامل تھے۔

(جاری ہے)

جانوروں کو غیر قانونی طور پر منتقل کرنے کی کوشش کی جا رہی تھی، تاہم دبئی کسٹمز نے بروقت کارروائی کرتے ہوئے انہیں قبضے میں لے لیا۔دبئی کسٹمز کا کہنا تھا کہ یہ کارروائی جنگلی حیات کے تحفظ اور نایاب و خطرے سے دو چار انواع کی غیر قانونی تجارت کے خلاف جاری اقدامات کا حصہ ہے۔ حکام نے کہا کہ جانوروں کی مناسب دیکھ بھال کے لیے متعلقہ اداروں سے رابطے کیا گیا ہے۔