Live Updates

فٹبال ورلڈ کپ میں ایران کا پرانا پرچم لہرانے پر پابندی برقرار رکھنے کا حکم‘ امریکی عدالت نے فیصلہ سنادیا

منگل 16 جون 2026 18:36

واشنگٹن (اُردو پوائنٹ اخبارتازہ ترین - آن لائن۔ 16 جون2026ء) امریکی عدالت نے فٹبال ورلڈکپ میں ایران کا پرانا پرچم لہرانے پر پابندی برقرار رکھنے کا حکم دیا ہے۔

(جاری ہے)

تفصیلات کے مطابق لاس اینجلس کاؤنٹی کی عدالت میں دائر کیے گئے مقدمے پر فیصلہ کرتے ہوئے عدالت نے معزول ایرانی شاہ کے دور کا ایرانی پرچم لہرانے پرفیفا کی عائد پابندی کیحق میں فیصلہ دیا۔عدالتی فیصلے کے مطابق فٹبال ورلڈکپ میچز کید وران اسٹیڈیم میں صرف ایران کا سرکاری (موجودہ) قومی پرچم ہی لہرایا جاسکے گا۔واضح رہے کہ ایران کے سابق شاہی دور سے منسلک علامتی پرچم ایران کے سرکاری پرچم سے مشابہت رکھتا ہے تاہم اس میں شیر اور سورج کا نشان شامل ہے جو 1979ء کے عوامی انقلاب سے قبل شاہی دور کی علامت سمجھا جاتا ہے۔