علامہ اقبال انڈسٹریل سٹی اور ایم فور موٹروے توسیعی منصوبے تجویز

جمعرات 18 جون 2026 20:46

جڑانوالہ (اُردو پوائنٹ اخبارتازہ ترین - آن لائن۔ 18 جون2026ء) پنجاب بجٹ 2026-27 میں اکنامک ٹرانسفارمیشن کے تحت فیصل آباد کے لیے نئی بڑی ترقیاتی سکیم تجویز کی گئی ہے۔

(جاری ہے)

بجٹ میں 6 ارب روپے کی لاگت سے 300 ایکڑ پر علامہ اقبال انڈسٹریل سٹی کی ڈویلپمنٹ شامل کی گئی ہے،مالی سال 2026-27 کے بجٹ میں علامہ اقبال انڈسٹریل سٹی فیصل آباد کے باقی ماندہ ترقیاتی کاموں کی تکمیل کی تجویز بھی شامل ہے۔ بجٹ دستاویزات کے مطابق موٹروے ایم فور فیصل آباد کو چھ رویہ بنانے کے لیے 15 ارب روپے مختص کرنے کی تجویز دی گئی ہے۔ اس منصوبے کے تحت پنڈی بھٹیاں سے فیصل آباد موٹروے کو چار رویہ سے چھ رویہ کرنے پر کام کیا جائے گا۔