خیرپور،رشتے کے تنازع پر خونریز تصادم، باپ بیٹے سمیت 6افراد جاں بحق

جمعرات 9 جولائی 2026 22:35

خیرپور (اُردو پوائنٹ اخبارتازہ ترین - این این آئی۔ 09 جولائی2026ء) خیبرپور پریالو کے علاقے کوٹ غلام محمد میں ناریجو برادری کے دو گروپوں کے درمیان مسلح تصادم میں باپ اور بیٹے سمیت 6افراد جاں بحق جبکہ 3 زخمی ہو گئے۔

(جاری ہے)

پولیس کے مطابق جاں بحق افراد میں 4مرد اور 2 خواتین شامل ہیں، واقعہ تھانہ فیض محمد بنڈو کی حدود میں رشتے کے تنازع پر پیش آیا۔ایس ایس پی خیرپور کے مطابق اطلاع ملتے ہی پولیس کی بھاری نفری، بکتر بند گاڑیاں اور اے پی سی موقع پر پہنچ گئیں، لاشوں اور زخمیوں کو پیر جو گوٹھ ہسپتال اور گمس ہسپتال منتقل کر دیا گیا ہے۔پولیس کے مطابق علاقے میں خوف و ہراس پھیل گیا ہے، واقعے کی مزید تحقیقات جاری ہیں۔