پنجاب حکومت کے محکموں میں اے ایم آئی اسمارٹ میٹرز کی مرحلہ وارتنصیب شروع

جمعہ 17 جولائی 2026 17:35

لاہور (اُردو پوائنٹ اخبارتازہ ترین - این این آئی۔ 17 جولائی2026ء) لاہور الیکٹرک سپلائی کمپنی (لیسکو )نے پنجاب حکومت کے محکموں میں اے ایم آئی اسمارٹ میٹرز کی مرحلہ وار تنصیب شروع کر دی، وزارتِ توانائی کی ہدایات پر ابتدائی مرحلے میں اگست تک ایک ہزار اسمارٹ میٹرز نصب کیے جائیں گے۔

(جاری ہے)

ترجمان لیسکو کے مطابق لیسکو ریجن میں پنجاب حکومت کے اداروں کے 8,342سنگل فیز نان اے ایم آئی میٹرز جدید اسمارٹ میٹرز سے تبدیل ہوں گے، اے ایم آئی اسمارٹ میٹرز سے بجلی کی ریڈنگ، بلنگ اور مانیٹرنگ کا نظام مزید شفاف اور موثر ہوگا۔

اوکاڑہ سرکل میں پنجاب حکومت کے اداروں کے سب سے زیادہ 1,811نان اے ایم آئی میٹرز موجود ہیں، تمام سرکلز کو اے ایم آئی میٹرز کی فوری الاٹمنٹ اور ترجیحی بنیادوں پر تنصیب مکمل کرنے کی ہدایت جاری کر دی گئی ہیں ۔ اس حوالے سے چیف ایگزیکٹو آفیسر لیسکو انجینئر محمد رمضان بٹ نے کہا کہ اے ایم آئی اسمارٹ میٹرز کی تنصیب سے بجلی کے نظام میں ڈیجیٹلائزیشن اور شفافیت کو فروغ ملے گا،لیسکو جدید ٹیکنالوجی کے ذریعے صارفین کو بہتر اور مثر خدمات کی فراہمی کے لیے پرعزم ہے۔