آئندہ چوبیس گھنٹوں کے دوران لاہور سمیت پنجاب کے بعض علاقوں میں موسم ابر آلود رہے گا، محکمہ موسمیات

ہفتہ 1 اگست 2026 22:31

لاہور (اُردو پوائنٹ اخبارتازہ ترین - اے پی پی۔ 01 اگست2026ء) محکمہ موسمیات کے مطابق آئندہ چوبیس گھنٹوں کے دوران لاہور سمیت پنجاب کے بعض علاقوں میں موسم ابر آلود رہنے کے سا تھ گرج چمک کے ساتھ بارش کا امکان ہے تا ہم دیگر علاقوں میں مو سم گرم مرطوب رہے گا۔

(جاری ہے)

ترجمان محکمہ موسمیات کے مطا بق گزشتہ چوبیس گھنٹوں کے دوران صوبائی دارالحکومت لاہور سمیت پنجاب کے مختلف شہروں میں مطلع ابرآلود رہنے کے ساتھ بارش ہوئی،تاہم دیگر علاقوں میں موسم گرم مرطوب رہا۔

گزشتہ روز شہر کا کم سے کم درجہ حرارت 29اور زیادہ سے زیادہ 34سینٹی گریڈرہا جبکہ ہوا میں نمی کی شرح 60فیصدریکارڈ کی گئی ۔اسی طرح لا ہور میں آلودگی کی مجموعی شرح 69فیصد رہی جبکہ شہر کے مختلف علاقوں میں ایئر کوالٹی انڈیکس سول سکرٹیریٹ میں 85،برکی روڈ78،عسکری ٹین116،ماڈل ٹا ئون 58،بیدیاں روڈ82اور علامہ اقبال ٹاون میں 66ایئر کوالٹی انڈیکس ریکارڈ کیا گیا۔