ساہیوال، دوہرے قتل کیس کا فیصلہ، دو ملزمان کو سزائے موت، لاکھوں روپے ہرجانہ کی سزائیں سنا دی گئیں

ہفتہ 1 اگست 2026 19:35

ساہیوال (اُردو پوائنٹ اخبارتازہ ترین - این این آئی۔ 01 اگست2026ء) ایڈیشنل سیشن جج ساہیوال شیخ توصیف الرحمن نے دوہرے قتل کے مقدمے کا فیصلہ سناتے ہوئے دو ملزمان غلام مرتضی اور منظور احمد کو دو، دو مرتبہ سزائے موت اور پانچ، پانچ لاکھ روپے جرمانے کی سزا سنادی۔

(جاری ہے)

عدالت نے مجرم شاہد اقبال کو زخمی ہونے والے عمر دراز کو 3 لاکھ 37 ہزار 895 روپے بطور عرش ادا کرنے کا حکم دیا، جبکہ رب نواز اور محمد امین عرف فدا حسین کو زخمی کرنے پر 22لاکھ 52ہزار 634روپے عرش ادا کرنے کی سزا سنائی۔

گواہ فرزند کو زخمی کرنے پر بھی عرش کی سزا دی گئی، جبکہ گواہ یعقوب کو زخمی کرنے والے مجرم کو ہر زخم کے عوض 50 ہزار روپے ضمان ادا کرنے کا حکم دیا گیا۔استغاثہ کے مطابق چک 63 جی ڈی میں 27اکتوبر 2023 کو دیرینہ رنجش پر ملزمان نے دو بھائیوں محمد رستم اور عمران کو قتل جبکہ رب نواز، محمد امین عرف فدا حسین اور فرزند کو زخمی کر دیا تھا۔پولیس بہادر شاہ نے ملزمان کے خلاف قتل، اقدام قتل اور دیگر دفعات کے تحت مقدمہ درج کرکے انہیں گرفتار کیا تھا۔