طوفانی بارش نے پسپ پروگرام اور واسا کی کارکردگی کا پول کھول دیا

جمعہ 14 اگست 2026 19:43

ساہیوال(اُردو پوائنٹ اخبارتازہ ترین - این این آئی۔ 14 اگست2026ء) طوفانی بارش کے سبب فرید ٹا ئو ن میں پسپ پروگرام اور واسا کی کارکردگی کا پول کھل گیا 30 ارب روپے کے پراجیکٹس کی کارکردگی پرسوالیہ نشان ،سیوریج کا پانی گھروں میں داخل مکین کمروں سے بے دخل ہو گئے۔

(جاری ہے)

پسپ پروگرام کے تحت پانچ سال سے جاری 16 ارب روپے کی لاگت سے سیوریج اور واٹر سپلائی کے منصوبے ابھی تک ادھورے پڑے ہیں پروگرام ا ور اضافی گرانٹ11 ارب روپے مانگنے پر غیر ملکی گرانٹ کے تحت جاری منصوبہ پسپ پروگرام کوحکومت نے 31مارچ کوبند کر دیاادھورے منصوبے کو مکمل کرنے کے لیے حکومت نے 14ارب روپے واسا کو جاری کر دیے لیکن مین سیوریج لائن کو ڈسپوزل سے ابھی تک منسلک نہیں کیاگیا جس کی وجہ سے فریدٹاؤن سکیم نمبر دو ،سکیم نمبر تین کا سیوریج کا نظام ابھی تک درہم برہم ہے پانی کے نکاس کا انتظام نہیںہو سکا ہے پسپ پروگرام کے ادھورے منصوبوں پر پردہ ڈالنے کے لیے 14 ارب روپے کی لاگت سے واسا نے نئی چھوٹی سیوریج لائن بچھانے کے نام پر شہر کے تمام چوراہوں اور گلیوں بازاروں میں کھدائی کر کے کھنڈرات کھڑے کر دیے ہیںکوئی متبادل راستہ نہیں دیا جاتا ٹریفک اور شہریوں کا گزرنا محال ہو چکا ہے شہریوں کی گاڑیاں آئے روز کھدائی کے گڑھوں میں گر کر پھنس جانے سے گاڑیوں کا کروڑوں روپے کا نقصان ہو چکا ہے بارشوں کے سبب صورتحال مزید خراب ہو گئی ہے فریدٹاؤن سیوریج لائنوںکی بندش کے سبب بارش کے بعد سی بلاک، جی بلاک،ایل بلاک ، فریدٹاؤن ،مین مارکیٹ اور دیگر علاقوں کے مکینوں کے گھروں میں پانی داخل ہو گیا ہے اور شہری پریشان ہیں شہریوں نے مطالبہ کیا ہے کہ پانی کے نکاس کا فوری بندوبست کیا جائے اور شہریوں کے گھروں سے پانی نکالا جائے اور سیوریج سسٹم کو تباہ کرنے والے ذمہ دار افسروں کے خلاف ایکشن لیا جائے ان کی جائیداد یںقرق کی جائیں اور قومی 30 ارب روپے تباہ کرنے والے افسروں ،ٹھیکے داروں کو گرفتار کیا جائے ۔