سیلانی کے بانی مولانا بشیر فاروق قادری ترکیہ میں وضو خانے میں پھسل کر زخمی ہوگئے

فوری طور پر کراچی منتقلی ، مقامی نجی اسپتال میں داخل کرادیا گیا ،،طبیعت بہتر ہے،دعائے صحت کی اپیل

جمعہ 14 اگست 2026 22:55

کراچی(اُردو پوائنٹ اخبارتازہ ترین - این این آئی۔ 14 اگست2026ء) سیلانی ویلفیئر انٹرنیشنل ٹرسٹ کے بانی اور چیئرمین مولانا بشیر فاروق قادری اپنے دورہ ترکیہ کے دوران سیلانی ہیڈ آفس ترکیہ کے وضوخانہ میں پائوں پھسلنے کے باعث گرکر زخمی ہو گئے، جس کی وجہ سے ان کے کاندھے کی ہڈی میں فریکچر ہوگیا ہے۔سیلا نی ویلفیئر کی جانب سے جاری کردہ پریس ریلیز کے ذریعے تمام احباب کو اطلاع دی جاتی ہے کہ مولانا بشیر فاروق قادری جمعے کی صبح تقریباً ساڑھے آٹھ بجے ترکی سے کراچی پہنچ گئے ہیں جس کے بعد انہیں فوری طور پر نجی اسپتال (آغا خان ہسپتال) منتقل کردیا گیاہے۔

ان کی طبیعت بہتر اور مستحکم ہے،البتہ ضروری ایکسرے، ٹیسٹ اور طبی کے بعد کنسلٹنٹ ڈاکٹروں نے فیصلہ کیا ہے کہ فی الحال حضرت صاحب کا آپریشن موخر کیا جائے گا۔

(جاری ہے)

ان کی طبیعت اور رپورٹس کا مزید مشاہدہ کیا جائے گا اور دو دن بعد کنسلٹنٹ ڈاکٹرز دوبارہ معائنہ کرکے فیصلہ کریں گے کہ آپریشن کی ضرورت ہے یا نہیں۔سیلانی ویلفیئر کی مجلس منتظمہ نے احباب سے اپیل کی ہے کہ وہ سب بھی دعا کریں کہ اللہ تعالیٰ حضرت صاحب کو صحتِ کاملہ و عاجلہ عطا فرمائے، ہر تکلیف اور بیماری کو دور فرمائے، انہیں اپنے حفظ و امان میں رکھے، لمبی، صحت مند اور بابرکت زندگی عطا فرمائے، اور ہر آنے والا مرحلہ آسان فرمائے۔