پارلیمنٹ لاجز اسلام آباد میں نوابزادہ نثار احمد خان مرحوم کی فاتحہ خوانی

اسلام آباد(اُردو پوائنٹ اخبارتازہ ترین - آن لائن۔ 21 اگست2026ء) نوابزادہ نثار احمد خان مرحوم کی وفات پر تعزیت، فاتحہ خوانی اور اہلِ خانہ سے اظہارِ ہمدردی کا سلسلہ جاری ہے۔ اسی سلسلے میں پارلیمنٹ لاجز اسلام آباد میں نوابزادہ افتخار احمد خان سے مختلف سیاسی، پارلیمانی اور سماجی شخصیات نے ملاقات کی، نوابزادہ نثار احمد خان مرحوم کے انتقال پر گہرے رنج و غم کا اظہار کیا اور مرحوم کے ایصالِ ثواب کے لیے فاتحہ خوانی کی۔

اس موقع پر رکن قومی اسمبلی خورشید احمد جونیجو، وزیراعظم یوتھ پروگرام کے فوکل پرسن عرفان صاحب، رکن قومی اسمبلی ڈاکٹر شازیہ صوبیہ اسلم، رکن قومی اسمبلی محترمہ مسرت رفیق میسر، رکن قومی اسمبلی سید طارق جاموٹ، چیئرمین اسٹینڈنگ کمیٹی فوڈ اینڈ پروڈکشن، رکن قومی اسمبلی میر غلام علی تالپور، چیئرمین اسٹینڈنگ کمیٹی بی آئی ایس پی سمیت دیگر معزز شخصیات نے شرکت کی۔

(جاری ہے)

معزز اراکین قومی اسمبلی اور سیاسی شخصیات نے نوابزادہ افتخار احمد خان اور دیگر اہلِ خانہ سے دلی تعزیت کرتے ہوئے کہا کہ نوابزادہ نثار احمد خان مرحوم کی وفات ایک بڑا سانحہ اور اہلِ خانہ، عزیز و اقارب، دوست احباب اور تمام متعلقین کے لیے ناقابلِ تلافی نقصان ہے۔ شرکائ نے مرحوم کی شخصیت، حسنِ اخلاق، خلوص، ملنساری، محبت، شائستگی اور لوگوں کے ساتھ دیرینہ تعلقات کو خراجِ عقیدت پیش کرتے ہوئے کہا کہ بعض شخصیات اپنے کردار، اخلاق اور محبت کے باعث لوگوں کے دلوں میں ایسا مقام پیدا کرلیتی ہیں جو ان کے دنیا سے رخصت ہونے کے بعد بھی ہمیشہ قائم رہتا ہے۔

نوابزادہ نثار احمد خان مرحوم بھی اپنے عزیزوں، دوستوں، سیاسی و سماجی حلقوں اور متعلقین کے دلوں میں اپنی خوشگوار یادیں چھوڑ کر رخصت ہوئے ہیں۔ اس موقع پر تعزیت کرنے والی شخصیات نے کہا کہ غم اور دکھ کی اس گھڑی میں وہ سوگوار خاندان کے ساتھ برابر کے شریک ہیں اور مرحوم کے لواحقین کے دکھ کو اپنا دکھ سمجھتے ہیں۔ انہوں نے کہا کہ موت ایک اٹل حقیقت ہے اور اللہ تعالیٰ کی رضا کے سامنے ہر انسان بے بس ہے، تاہم ایسے کٹھن اور صبر آزما وقت میں اہلِ خانہ کے ساتھ کھڑا ہونا، ان کے دکھ میں شریک ہونا اور انہیں حوصلہ دینا انسانی، اخلاقی اور معاشرتی ذمہ داری ہے۔

شرکائ نے نوابزادہ افتخار احمد خان اور دیگر پسماندگان سے دلی ہمدردی کا اظہار کرتے ہوئے مرحوم کے لیے دعائے مغفرت کی اور کہا کہ اللہ تعالیٰ نوابزادہ نثار احمد خان مرحوم کی کامل مغفرت فرمائے، ان کے درجات بلند فرمائے، قبر کو نور سے منور فرمائے، تمام لغزشوں سے درگزر فرمائے اور جنت الفردوس میں اعلیٰ مقام عطا فرمائے۔ فاتحہ خوانی کے موقع پر سوگوار خاندان کے لیے بھی خصوصی دعا کی گئی کہ اللہ تعالیٰ تمام اہلِ خانہ، عزیز و اقارب اور پسماندگان کو یہ عظیم صدمہ صبرِ جمیل، حوصلے اور استقامت کے ساتھ برداشت کرنے کی توفیق عطا فرمائے۔

شرکائ کا کہنا تھا کہ کسی عزیز، مخلص اور محترم شخصیت کی جدائی کا دکھ الفاظ میں بیان نہیں کیا جاسکتا، تاہم مرحوم کی اچھی یادیں، محبت، خلوص، حسنِ کردار اور لوگوں کے ساتھ ان کے دیرینہ تعلقات ہمیشہ ان کی یاد کو زندہ رکھیں گے۔ پارلیمنٹ لاجز اسلام آباد میں ہونے والی اس ملاقات کے دوران ماحول انتہائی سوگوار اور جذباتی رہا۔ سیاسی و پارلیمانی شخصیات نے اہلِ خانہ کو یقین دلایا کہ غم کی اس گھڑی میں وہ سوگوار خاندان کو تنہا نہیں چھوڑیں گے اور اپنی اخلاقی و انسانی ہمدردی کا سلسلہ جاری رکھیں گے۔

مختلف اراکین قومی اسمبلی اور اہم سیاسی شخصیات کی جانب سے فاتحہ خوانی اور اظہارِ تعزیت اس امر کی عکاسی کرتا ہے کہ نوابزادہ نثار احمد خان مرحوم نے اپنے حسنِ اخلاق، خلوص، محبت اور شائستہ طرزِ عمل کے ذریعے وسیع حلقہ احباب اور تعلقات میں نمایاں مقام حاصل کیا تھا۔ آخر میں تمام شرکائ نے اجتماعی دعا کی کہ اللہ تعالیٰ نوابزادہ نثار احمد خان مرحوم کی کامل مغفرت فرمائے، ان کے درجات بلند فرمائے، ان کی قبر کو نور سے بھر دے، جنت الفردوس میں اعلیٰ مقام عطا فرمائے، تمام گناہوں اور لغزشوں سے درگزر فرمائے اور سوگوار اہلِ خانہ کو صبرِ جمیل، حوصلہ، استقامت اور اجرِ عظیم عطا فرمائے۔ آمین ثم آمین۔