پی ٹی آئی رہنماء عمران خان کی صحت سے متعلق خدانخواستہ خطرے کی گھنٹیاں بجا رہے تھے، خواجہ آصف

جب مالی و سیاسی مفادات لیڈر شپ کے ساتھ وابستہ ہو جائیں تو اسی طرح رنگ بازی کی جاتی ہے، وزیر دفاع

جمعہ 21 اگست 2026 20:05

اسلام آباد (اُردو پوائنٹ اخبارتازہ ترین - این این آئی۔ 21 اگست2026ء) وزیر دفاع خواجہ آصف نے کہا ہے کہ پی ٹی آئی کی پارلیمانی پارٹی قومی اسمبلی میں ماتم کناں تھی، جذبات شدید تھے، عمران خان کی صحت سے متعلق خدانخواستہ خطرے کی گھنٹیاں بجا رہے تھے۔

(جاری ہے)

جاری بیان میں خواجہ آصف نے کہا کہ جب مالی اور سیاسی مفادات لیڈر شپ کے ساتھ وابستہ ہو جائیں تو اسی طرح رنگ بازی کی جاتی ہے۔

وزیر دفاع نے کہا کہ بانی پی ٹی آئی کی صحت کے متعلق پی ٹی آئی والے افواہیں پھیلا کر اندرون ملک اور بیرون ملک سے اربوں روپے اکٹھے کرتے ہیں پھر وہ اربوں روپے لا پتا ہو جاتے ہیں۔ خواجہ آصف نے کہا کہ بانی پی ٹی آئی بالکل فٹ ہیں، بانی پی ٹی آئی کی بہن سیاسی فائدے یا مصلحت کیلئے بھائی کی صحت سے متعلق غلط بیانی نہیں کریں گی۔