سابق وفاقی وزیر ڈاکٹر فردوس عاشق اعوان کا اولڈ ایج ہوم مسکن کا دورہ

اتوار 6 ستمبر 2026 22:52

سیالکوٹ (اُردو پوائنٹ اخبارتازہ ترین - اے پی پی۔ 06 ستمبر2026ء) سابق وفاقی وزیر ڈاکٹر فردوس عاشق اعوان نے اولڈ ایج ہوم مسکن کا دورہ کیا ، وہاں قیام پذیر لاوارث، بے سہارا ، ضعیف العمر خواتین و حضرات کے ساتھ وقت گزارا۔ انہوں نے بزرگ شہریوں سے ملاقات کرکے ان کی خیریت دریافت کی اور ان کے مسائل، مشکلات ضروریات کے بارے میں آگاہی حاصل کی۔

(جاری ہے)

اس موقع پر ڈاکٹر فردوس عاشق اعوان نے بزرگ خواتین کے ساتھ تفصیلی گفتگو کی اور ان کے دکھ درد بانٹنے کی بھرپور کوشش کی۔

انہوں نے کہا کہ معاشرے کے کمزور اور بے سہارا افراد ہماری خصوصی توجہ اور ہمدردی کے مستحق ہیں، بزرگ شہریوں کی خدمت دراصل انسانیت کی خدمت ہے۔ انہوں نے مسکن میں مقیم افراد کے ساتھ وقت گزار کر انہیں یہ احساس دلایا کہ وہ معاشرے میں تنہا نہیں بلکہ پوری قوم اور معاشرے کا قیمتی حصہ ہیں۔ انہوں نے مسکن کے انتظامی امور اور بزرگوں کو فراہم کی جانے والی سہولیات کے بارے میں بھی معلومات حاصل کیں اور ادارے کی خدمات کو سراہا۔