پنجاب یونیورسٹی ، احتجاج کے دوران ملازم پر تشدد، اساتذہ و ملازمین کیخلاف مقدمہ درج

بدھ 9 ستمبر 2026 18:32

لاہور (اُردو پوائنٹ اخبارتازہ ترین - این این آئی۔ 09 ستمبر2026ء) پنجاب یونیورسٹی میں احتجاج کے دوران ملازم پر تشدد اور سرکاری امور میں مداخلت کے الزام میں مسلم ٹائون پولیس نے پرتشدد احتجاجی اساتذہ و ملازمین کے خلاف مقدمہ درج کرلیا۔پنجاب یونیورسٹی میں احتجاج پر 147، 149پی پی سی کے تحت مقدمہ درج کیا گیا ۔

(جاری ہے)

ایف آئی آر کے مطابق احتجاج کے دوران انتظامی اموراورمعمول کی سرگرمیاں متاثرہوئیں، سائونڈ سسٹم کے مبینہ غیرقانونی استعمال پرپنجاب سائونڈ سسٹمزایکٹ کے تحت کارروائی کی گئی ۔

مقدمے میں 149،147 پی پی سی اور سانڈ سسٹمز ایکٹ کی دفعہ 6 شامل ہیں ۔ایف آئی آرمیں یونیورسٹی ملازمین چوہدری بشارت، تنویراعوان، طیب اعجاز،حماد بٹ ،ڈاکٹر کامران عابد، سردار اصغر،ڈاکٹر ماجد علی اور ڈاکٹر مقیت نامزد ہیں ۔