فارمرز بھیڑ بکریوں کو انتڑیوں کے زہر کی ویکسین اکتوبر میں مکمل کرلیں، ڈاکٹر محمد افضل

جمعرات 10 ستمبر 2026 12:32

سیالکوٹ (اُردو پوائنٹ اخبارتازہ ترین - اے پی پی۔ 10 ستمبر2026ء) ڈپٹی ڈائریکٹر محکمہ لائیواسٹاک سمبڑیال ڈاکٹر محمد افضل نے کہا ہے کہ فارمرز بھیڑ بکریوں کو انتڑیوں کے زہر کی ویکسین اکتوبر میں مکمل کرلیں۔ ان خیالات کا اظہار انہوں نے آج جمعرات کو فارمرز کے نام اپنے ایک پیغام میں کیا۔

(جاری ہے)

انہوں نے کہا ہے کہ فارمرز بھیڑ بکریوں کو انتڑیوں کے زہر کی ویکسین اکتوبر میں ہر صورت مکمل کرلیں، انتڑیوں کے زہر کی ویکسین ستمبر اور اکتوبر میں مہینے میں کی جاتی ہے، انتڑیوں کا زہر ایک خطرناک بیماری ہے جس سے جانور کی جان بھی جاسکتی ہے یا جانور بے حد کمزور ہوسکتا ہے۔

انہوں نے کہا کہ زیادہ گوشت حاصل کرنے کیلئے جانوروں کا صحت مند ہونا بہت ضروری ہوتا ہے اور جانوروں کو بیماریوں سے بچائو کیلئے بروقت ویکسین لگانی چاہیے ۔ انہوں نے کہا کہ بھیڑ بکریوں کو زیادہ تر بیماریاں سردی میں ہی حملہ کرتی ہیں اور اس موسم میں جانوروں کو خشک اور گرم جگہ مہیا کریں ۔ڈاکٹر محمد افضل نے کہا ہے کہ بھیڑ بکریاں پانے سے فارمر نا صرف گوشت کی بڑھتی ہوئی ضروریات کو پورا کرسکتے ہیں بلکہ زیادہ منافع بھی حاصل کرسکتے ہیں۔