Apni Madad Aap - Article No. 2380
اپنی مدد آپ - تحریر نمبر 2380
اب ہمیں یہاں سے ضرور چلے جانا چاہئے مجھے یقین ہے کہ یہ کھیت اب ضرور کٹے گا کیونکہ جو آدمی اپنا کام خود کرنے کیلئے تیار ہوتا ہے وہ کام ضرور ہوتا ہے
بدھ 26 اکتوبر 2022
ایک چڑیا نے گیہوں کے کھیت میں گھونسلہ بنایا اور جب انڈوں سے بچے نکل آئے تو کھیت بھی پکنے کے قریب تھا۔ایک دن جب وہ دانہ دنکے کی تلاش میں جانے لگی تو اس نے بچوں سے کہا ”میرے بعد اگر کھیت کا مالک آئے یا اس کے گھر والے آئے تو ان کی باتیں غور سے سننا اور پھر مجھے بتانا وہ کیا باتیں کر رہے تھے۔“
چڑیا کے جانے کے ذرا دیر بعد کھیت کا مالک آیا اور اپنے بیٹے سے کہنے لگا”میں سمجھتا ہوں کھیت پک چکا ہے۔کل صبح ہی صبح اپنے دوستوں کے پاس جاؤ اور ان سے کہو کہ کھیت کاٹنے میں ہماری مدد کریں۔“شام کو چڑیا واپس آئی تو بچے پر پھیلا کر چیں چیں کرکے اس کے آس پاس پھرنے لگے اور جو کچھ سنا تھا وہ بتانے لگے اور بولے ”اے ماں اب ہمیں یہاں سے جلد از جلد چلے جانا چاہئے کیونکہ کھیت کٹنے والا ہے۔
(جاری ہے)
دوسرے روز چڑیا پھر باہر گئی اور جاتے ہوئے کہہ گئی کہ آج اگر مالک آئے تو اس کی باتیں غور سے سننا اور مجھے بتانا۔کچھ دیر بعد کھیت کا مالک آیا اور بہت دیر تک اپنے پڑوسیوں اور دوستوں کی راہ دیکھتا رہا لیکن وہاں کوئی نہ آیا۔جب دھوپ تیز ہو گئی تو اپنے بیٹے سے کہنے لگا ”ان دوستوں اور پڑوسیوں کا کوئی بھروسہ نہیں بہتر ہے کہ تم اپنے چچا زاد اور بھائیوں سے کہو کہ کھیت کاٹنے میں ہماری مدد کریں۔“
یہ بات سن کر چڑیا کے بچے بہت ڈرے اور جیسے ہی چڑیا آئی تو پر پھیلا کر اور چیں چیں کرکے اس سے کہا کہ آج یہ بات ہوئی۔یہ سن کر چڑیا نے کہا بچو!خاطر جمع رکھو۔گھبرانے کی کوئی بات نہیں مجھے لگتا ہے کہ اس کے رشتہ دار اس کے کام نہیں آئیں گے۔اگلے دن جب چڑیا دانے دنکے کی تلاش میں جانے لگی تو اس نے پھر کہا بچو!کھیت کے مالک کی باتیں غور سے سننا اور مجھے بتانا یہ کہہ کر وہ چلی گئی۔
کچھ دیر بعد کھیت کا مالک آیا اور بہت دیر تک اپنے بھائی اور بھتیجوں کا انتظار کرتا رہا لیکن وہاں کوئی نہ آیا۔جب دھوپ تیز ہو گئی تو اس نے اپنے بیٹے سے کہا ”اے میرے بیٹے دیکھا ہماری مدد کیلئے کوئی نہیں آیا اب تم دو درانتیاں تیز کرکے تیار رکھو کل ہم خود ہی اپنا کھیت کاٹیں گے۔“یہ سن کر چڑیا کے بچے بہت ڈرے اور جیسے ہی ماں آئی اسے پر پھیلا کر اور چیں چیں کرکے سارا ماجرا سنانے لگے۔
یہ بات سن کر چڑیا نے کہا ”اے بچو!اب ہمیں یہاں سے ضرور چلے جانا چاہئے مجھے یقین ہے کہ یہ کھیت اب ضرور کٹے گا کیونکہ جو آدمی اپنا کام خود کرنے کیلئے تیار ہوتا ہے وہ کام ضرور ہوتا ہے۔یہ کہہ کر وہ اپنے بچوں کو اس کھیت سے دوسری جگہ لے گئی۔اگلی صبح کھیت کا مالک آیا اور بیٹے کے ساتھ مل کر کھیت کاٹنے لگا اور کھیت کاٹ لیا۔لیکن اُس سے پہلے چڑیا وہاں سے اپنے بچوں کو لے کر جا چکی تھی۔“
Browse More Moral Stories
نیک انجام
Naik Anjaam
پہچان
Pehchan
بے تکلف رشتہ
Betakaluf Rishta
جادوئی آئینہ
Jadui Aaina
جادو کے بیج
Jadu Ke Beej
مغرور بادشاہ کا انجام (پہلا حصہ)
Maghroor Badshah Ka Anjaam - Pehla Hissa
Urdu Jokes
نگیٹو
ngito
ایک آدمی پرندوں کی دوکان
aik aadmi parindon ki dukaan
آرٹسٹ
Artist
شاگرد استاد سے
Shagird Ustad Se
ایک ماں نے
Aik Maa ne
کتے کی عزت
Kutte Ki izzat
Urdu Paheliyan
دھرا پڑا ہے سرخ پیالہ
dhara para hai surkh piala
اک کپڑا ایسا کہلایا
ek kapra esa kehlaya
بنے ہوئے ہیں ایسے دو گھر
bane huye hain aisy do ghar
تن کو اپنے آگ لگا کر
tun ko apne aag laga kar
اک شے دونوں رنگ دکھائے
ek shai dono rang dikhaye
دہلی پہنچے ڈھاکہ پنچے جا پہنچے قندھار
delhi punche dhaka punche ja punche qandhar