Budha Aadmi Aur Sher - Article No. 2499
![Budha Aadmi Aur Sher](https://photo-cdn.urdupoint.com/show_img_new/kids/kids_article_images/2023/740x404/pic_a726c_1681388774.jpg._2)
بوڑھا آدمی اور شیر - تحریر نمبر 2499
کلہاڑی کا زخم تو ٹھیک ہو گیا ہے،لیکن تمہارے سخت الفاظ کا زخم ابھی تک میرے دل پر موجود ہے،جو کبھی ٹھیک نہیں ہو سکتا۔
جمعرات 13 اپریل 2023
ایک دن جب بوڑھا اپنے کام میں مصروف تھا تو اسے ایک گرج دار دہاڑ سنائی دی۔اس نے اپنا کلہاڑا نیچے رکھا اور خاموشی سے سننے لگا۔اچانک ایک بڑا سا شیر جھاڑیوں میں سے باہر آ نکلا۔شیر نے بوڑھے سے کہا کہ مجھ سے مت ڈرو۔میں تمہیں نقصان نہیں پہنچاؤں گا۔تم بہت محنت سے کام کرتے ہو۔
(جاری ہے)
تم بیٹھ کر تھوڑی دیر آرام کرو تمہارا کام میں کر دوں گا۔
بوڑھا حیران تھا۔
بوڑھا ایک درخت کے نیچے آرام کر رہا تھا،جب کہ شیر کام کر رہا تھا۔شیر نے جلد ہی ساری لکڑیاں کاٹ دیں۔بوڑھے اور شیر نے مل کر لکڑیوں کو ایک گٹھری میں باندھ کر گدھے کی پیٹھ پر لاد دیا۔بوڑھے نے شیر کا شکریہ ادا کیا اور لکڑیاں بیچنے چلا گیا۔
اگلے دن پھر شیر آیا اور اس بوڑھے کی دوبارہ مدد کی۔کچھ ہفتوں تک یہ سلسلہ جاری رہا۔
ایک دن کام ختم ہونے کے بعد شیر نے بوڑھے کی گود میں اپنا سر رکھا اور آرام کرنے لگا۔اس نے بوڑھے کی طرف دیکھتے ہوئے پوچھا:”کیا میں خوبصورت ہوں؟“
”ہاں واقعی،تم بہت خوبصورت ہو۔“ بوڑھے نے جواب دیا۔
”کیا میں طاقتور ہوں؟“ شیر نے پوچھا۔
”ہاں یقینا،بے شک بہت طاقتور ہو۔“ بوڑھے نے جواب دیا۔
”کیا میں جوان اور توانائی سے بھرا ہوا ہوں؟“ شیر نے پوچھا۔
”ہاں،ہاں بالکل ایسا ہی ہے۔“ بوڑھے نے جواب دیا۔
کچھ دیر سوچنے کے بعد بوڑھے نے شیر سے کہا:”تم میں ایک چیز کی کمی ہے۔تمہارے جسم سے بدبو آتی ہے۔اگر تمہیں کوئی اعتراض نہ ہو تو براہِ کرم اپنا سر میری گود سے ہٹا لو۔اگر آپ کی طرح میرے جسم سے بھی بدبو آنے لگی تو میری بیوی کو بہت بُرا لگے گا۔“
شیر اُچھل کر اس کی گود سے اُٹھا اور بوڑھے کو کلہاڑی دیتے ہوئے کہا:”اسے میری پیٹھ پر مارو۔“
بوڑھے نے کہا:”میں تمہیں تکلیف نہیں پہنچا سکتا۔“
شیر نے کہا:”یہ میری خواہش ہے۔“اور یہ کہنے کے ساتھ ہی وہ دہاڑنے لگا۔
بوڑھے کی سمجھ میں کچھ نہیں آ رہا تھا کہ وہ اب کیا کرے۔آخر اس نے کلہاڑی اُٹھا کر شیر کی پیٹھ پر دے ماری۔شیر کی پیٹھ پر گہرا زخم آیا اور خون نکلنے لگا۔اس سے شیر کا جسم سرخ اور چپ چپا ہو گیا۔شیر جنگل میں واپس چلا گیا اور بوڑھا اپنی لکڑیاں بازار میں لے گیا۔
اگلے دن بوڑھا اپنے کام والی جگہ پر آیا۔شیر آیا اور اسے دور سے دیکھتا رہا،لیکن کوئی بات نہیں کی۔بوڑھا خوف زدہ ہو گیا۔
وقت گزرتا گیا اور پھر ایک دن اچانک شیر جھاڑیوں کے پیچھے سے بوڑھے کی طرف بڑھا۔اس نے بوڑھے سے کہا:”میری پیٹھ کی طرف دیکھو،زخم کا کوئی نشان ہے؟“
بوڑھے نے غور سے دیکھا،لیکن اسے کہیں کلہاڑی سے لگنے والے زخم کا نشان نظر نہیں آیا۔
”یہ بالکل ٹھیک ہے،کوئی نشان نہیں ہے؟“بوڑھے نے کہا۔
”ہاں۔“شیر نے جواب دیا:”کلہاڑی کا زخم تو ٹھیک ہو گیا ہے،لیکن تمہارے سخت الفاظ کا زخم ابھی تک میرے دل پر موجود ہے،جو کبھی ٹھیک نہیں ہو سکتا۔“ مجھے ہمیشہ یاد رہے گا کہ تم نے میری بدبو دار جلد کے بارے میں جو کہا تھا۔اب تم اس جنگل کو چھوڑ دو،ورنہ میں تمہیں کھا جاؤں گا؟اور یہ کہنے کے ساتھ ہی وہ گرج دار آواز سے دہاڑنے لگا۔بوڑھا جنگل چھوڑ کر چلا گیا اور اس دن سے اسے تمام شیروں سے خوف محسوس ہونے لگا۔اسی وجہ سے دوسرے لوگ بھی اب شیروں سے خوف زدہ رہنے لگے ہیں۔
Browse More Moral Stories
![Khuloos Ke Bartan](https://photo-cdn.urdupoint.com/show_img_new/kids/kids_article_images/2023/220x220/pic_cbd70_1685968739.jpg._1)
خلوص کے برتن
Khuloos Ke Bartan
![Achi Saheli](https://photo-cdn.urdupoint.com/show_img_new/kids/kids_article_images/2015/220x220/pic_1447145211.jpg._1)
اچھی سہیلی
Achi Saheli
![Jadu Ka Kamra](https://photo-cdn.urdupoint.com/show_img_new/kids/kids_article_images/2019/220x220/pic_b380b_1556189550.jpg._1)
جادو کا کمرہ۔۔تحریر:مختار احمد
Jadu Ka Kamra
![Aaj Mera Roza Hai](https://photo-cdn.urdupoint.com/show_img_new/kids/kids_article_images/2022/220x220/pic_9fab4_1649421795.jpg._1)
آج میرا روزہ ہے
Aaj Mera Roza Hai
![Piyari Chirya](https://photo-cdn.urdupoint.com/show_img_new/kids/kids_article_images/2019/220x220/pic_e9b9a_1577365308.jpg._1)
پیاری چڑیا
Piyari Chirya
![Haveli Ke Chor](https://photo-cdn.urdupoint.com/show_img_new/kids/kids_article_images/2019/220x220/pic_86c42_1554730857.jpg._1)
حویلی کے چور۔۔تحریر:مختار احمد
Haveli Ke Chor
Urdu Jokes
جہازوں کا اڈا
Jahazon Ka ada
ایک فقیر
Aik faqeer
ایک امیر آدمی
Aik ameer admi
ٹیم میدان میں
team maidan mein
امیدوار
umeedwar
پڑتال
Partal
Urdu Paheliyan
سب سے تیز اس کی رفتار
sabse tez uski raftaar
دہلی پہنچے ڈھاکہ پنچے جا پہنچے قندھار
delhi punche dhaka punche ja punche qandhar
اس رانی کے کیا ہی کہنے
us rani ke kya hai kehne
دو چڑیا رکھتی ہیں پر
do chirya rakhti hen par
گوری ہے یا کالی ہے
gori hai ya kali hai
کان پکڑ کر ناک پہ بیٹھے
kaan pakad kar naak pe baithe