
Hadsa - Article No. 1807
حادثہ
جس نے زندگی بدل دی
پیر 21 ستمبر 2020

مجھے ابھی بھی میری زندگی کا ایک حادثہ یاد ہے جو شاید مجھے ہمیشہ ہی یاد رہے گا۔اس حادثے نے میری زندگی بدل کر رکھ دی۔پانچ سال پہلے کی بات ہے جب میں پانچویں جماعت میں پڑھتا تھا،اُن دنوں میری دوستی کچھ بُرے لڑکوں کے ساتھ ہو گئی تھی۔ہم سب دوست اکٹھے ہوتے اور نئے نئے شرارتی منصوبے بناتے اور پھر ان کو پورا کرنے میں لگ جاتے۔کہتے ہیں جیسی صحبت ویسی عادت،ایک دن مجھ سے میرے دوستوں نے کہا:”آج ہمیں سکول نہیں جانا ہے۔“میں اور میرے دوست عابد اور منیر نے اپنے اپنے بستے ایک جگہ چھپا دیے اور ایک کھیت میں جاپہنچے،اور وہاں پانی کے حوض میں نہانے لگے۔
کھیت میں کچھ خالی بوتلیں پڑی تھیں۔عابد نے کہا کہ:”ان بوتلوں کو لے جا کر بازار میں بیچ دیتے ہیں۔
(جاری ہے)
“کچھ ہی دیر میں وہاں سے ردی خریدنے والے بابو کاکا گزر رہے تھے۔ہماری تو جیسے چاندی ہو گئی۔ہم نے بابو کاکا کو تمام بوتلیں بیچ ڈالیں اور بدلے میں جتنے روپے ملے ہم تینوں نے آپس میں برابر برابر بانٹ لیے۔
اسی دوران منیر کھیت میں بنے کمرے کے اوپر چڑھ گیا جس پر اس کی چابی رکھی ہوئی تھی،اس نے چابی اُٹھا کر سڑک کی طرف پھینک دی۔اس طرح چھٹی کے وقت تک ہم اِدھر اُدھر گھومتے رہے۔ساڑھے چار بجے کے قریب ہم نے بستے نکالے اور اپنے اپنے گھر کی طرف چل پڑے۔جب شام ہوئی تو گھر میں اخبار والا اخبار دے کر گیا۔میرے والد صاحب خبریں پڑھتے ہوئے اچانک چونک پڑے۔آج کی تازہ خبر میں تھاکہ:”دن دہاڑے لالہ جی کے کھیت میں چوری ہو گئی۔کھیت میں بنے ہوئے کمرے میں رکھے ہوئے کئی ہزار روپے اور ضروری چیزیں چور لے اُڑے۔“اسی دوران دروازے پر دستک ہوئی ،ردی خریدنے والے بابو کاکا باہر کھڑے تھے ،میں انھیں دیکھ کر گھبرا اُٹھا۔ انھوں نے میرے والد صاحب کو بتایاکہ آج آپ کے لڑکے کو میں نے لالہ جی کے کھیت میں دیکھا تھا۔میرے تو رونگٹے کھڑے ہو گئے۔
مجھے یاد آیا کہ منیر نے اس کمرے کی چابی سڑک کی طرف پھینک دی تھی۔بابو کاکا نے کہا کہ:”بیٹا گھبراؤ مت اصلی چور پکڑ لیے گئے ہیں۔ لیکن یہ بات یاد رکھو کہ ہمیشہ نیک اور اچھے لڑکوں کے ساتھ رہا کرو۔“ان کے جانے کے بعد ابو اور امی نے مجھے بہت ڈانٹا ۔ دوسرے دن میری والدہ مجھے سکول چھوڑنے گئیں اور میری ٹیچر کو بتایا کہ کل کیا واقعہ ہوا تھا اور یہ کہ میں دن بھر گھومتا رہا۔ٹیچر نے بھی بڑے پیار سے مجھے سمجھایا کہ ہمیشہ غلط کاموں سے دور رہو۔اس کے بعد ہم تینوں دوستوں نے عہد کیا کہ کبھی بھی کوئی غلط کام نہیں کریں گے۔
مزید اخلاقی کہانیاں

آنے والا دور
Aane Wala Dorr

پرانا سکہ
Purana Sikkah

بادشاہ کا فرمان
Badshah Ka Farmaan

جادوئی طوطا
Jaadui Toota
کام سے نہ ڈرو
Kaam Se Na Daro

قدیم جاپانی فنون
Qadeem Japani Funoon

رحم دل دوست
Rehem Dil Dost

جن دوست
Jinn Dost

عقل والوں کی باتیں
Aqal Walon Ki Batein

جھوٹ کے پاؤں
Jhoot Ke Paon

حسابِ دوستاں
Hisab E Dostaan

ہماری ذہانت
Hamari Zehanat
Your Thoughts and Comments
مزید مضامین
-
جھگڑالو بلی
Jhagralo Billi
-
جھوٹے بھکاری
Jhoote Bhikari
-
فرینکلن ڈیلانو روزویلٹ
Franklin Delano Roosevelt
-
حویلی کے چور۔۔تحریر:مختار احمد
haveli ke chor
-
بچوں کی اٹکھیلیاں۔۔۔۔ بڑوں کے لئے مسرت
Bachoon Ki Ath-kheliyaan
-
دھوکے باز
Dhoke Bazz
-
رائٹ برادران
Wright Brothers
-
انگوٹھی اور بانسری
Angothi or Bansuri
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2022, UrduPoint Network
All rights of the publication are reserved by UrduPoint.com. Reproduction without proper consent is not allowed.