Parindon Ka Badshah - Article No. 1020

پرندوں کا بادشاہ

کہتے ہیں کہ کسی زمانے میں پرندے انسانوں سے زیادہ عقل مند ہواکرتے تھے۔ اُنہیں کسی بادشاہ کی ضرورت نہیں تھی اور نہ ہی وزیروں کی جو بادشاہ کو مشورے دیتے ،نہ ہی انہیں پرندوں کے کسی ایسے جرگے کی ضرورت تھی ،جو مل بیٹھ کر اُن کیلئے قانون بناتے۔

ہفتہ 12 اگست 2017

Parindon Ka Badshah
احمد عدنان طارق:
کہتے ہیں کہ کسی زمانے میں پرندے انسانوں سے زیادہ عقل مند ہواکرتے تھے۔ اُنہیں کسی بادشاہ کی ضرورت نہیں تھی اور نہ ہی وزیروں کی جو بادشاہ کو مشورے دیتے ،نہ ہی انہیں پرندوں کے کسی ایسے جرگے کی ضرورت تھی ،جو مل بیٹھ کر اُن کیلئے قانون بناتے۔
اُن دنوں میں جب بھی پرندے اکٹھے ہوتے تو وہ ایک دوسرے سے خوشی خوشی گپیں ہانکتے اور بتاتے کہ کون پیدا ہوا ہے اور کون مرگیا ہے؟ کون سے پرندے کے بچے یتیم ہوگئے ہیں اور وہ قوانین بنانے کی بجائے اہم مسائل ایک دوسرے کو بتا دیتے تھے۔
اُن کا قانون ایک ہی تھا، محبت اور دوستی کا قانون۔ نہ انہیں نفرت کا علم تھا اور نہ غصے کا لیکن پھر ایک مکار اُن کے علاقے میں داخل ہوگیا۔ اُس نے اردگرد جائزہ لیا پرندوں کی خوشیوں کا دشمن تھا۔

(جاری ہے)

اس نے مور سے کہا؛ تم اپنے آپ کو عام سا پرندہ کیوں سمجھتے ہو حالانکہ تم باقی سب پرندوں سے زیادہ خوبصورت ہو۔

“ موڑ اسکی لچھے دار باتوں میں آگیا اور بڑے فخر سے خود کو تالاب کے پانی میں دیکھنے لگا۔
پھر وہی شخص عقاب کے پاس گیااور اُسے کہنے لگا“ تم یہ مریل سے پرندے کوئل کو اپنا دوست کیوں سمجھتے ہو، کیا تم باقی سب پرندوں سے زیادہ طاقتور نہیں ہو؟ تم بادلوں سے بھی اوپر اُڑنے والے ہو تم آسانی سے اپنی چونچ سے اسکے ٹکڑے کر سکتے ہو۔
“ عقاب اُسکی باتوں میں آگیا وہ اُڑکر گیا اور اپنی چونچ اور پنجوں سے کوئل کو گھونسلہ تہس نہس کرآیا۔ اِس طرح آہستہ آہستہ وہ مکار پرندوں کے بیچ دشمنی کے بیج بونے میں کامیاب ہوگیا۔ پرندوں کی پُر امن سلطنت جنگ کا میدان بن گئی۔
پرندے ایک دوسرے سے لڑنے اور گالیاں دینے لگے۔ آخر کار طاقتور پرندے کمزور پرندوں کو شکار کرنے لگے۔ ہر کوئی اپنی طاقت پر ناز کرنے لگا اور کمزوروں کو برا بھلا کہنے لگا۔ ایک دن ایک ننھے سے پرندے نے سب چھوٹے پرندوں سے کہا؛ ”ہم اس طرح زندگی نہیں گزار سکتے۔
“ وہ سبھی عقاب کے پاس چلے گئے اور اُسے کہا؛ ”ہمیں انصاف چاہیے، آپ سب سے طاقتور پرندے ہو بہتر ہو سب پر حکومت کریں تاکہ کوئی کسی کے ساتھ زیادتی نہ کرسکے۔ “عقاب خوشامد پسند تھا، فوراََ مان گیا لیکن پرندوں کے جانے کے بعد وہی مکا ر عقاب کے پاس آیا اور اُسے کہا؛ ” بادشاہ تو ہوتے ہی عوام سے خدمت کرانے کیلئے ہیں، تمہارے پاس وقت کہا ں کہ تم اُن احمقانہ لڑائیوں میں صلح کرواتے پھرو بہترہے تم اُلو کو انکا بادشاہ بنادو۔
اُس کی آنکھیں قیمتی پتھروں جیسی ہوتی ہیں، وہ صرف رات کو دیکھ سکتا ہے اور جب روشنی میں دوسرے پرندے ہواؤں میں پرواز کرتے ہیں تو وہ کچھ نہیں دیکھا سکتا۔ اسلئے وہ کسی کے معاملے میں دخل نہیں دے گا اور ہر کوئی وہی کرے جو اُس کا دل چاہے گا۔
“ عقاب کر یہ ترکیب بہت اچھی لگی، اُس نے اُلو کو پرندوں کا بادشاہ بنا دیا۔ اُلو دن کو سویا رہتا ہے اور رات کو جاگتا ہے جب باقی پرندے مزے سے اپنے گھونسلوں میں سوئے ہوتے ہیں تبھی تو آج تک وہ پرانے امن والے دن پرندوں کی سلطنت میں نہیں لوٹے اور وہ آپس میں لڑتے رہتے ہیں۔

مزید اخلاقی کہانیاں

Nanhi Chirya

ننھی چڑیا

Nanhi Chirya

Khatarnak Jungle

خطرناک جنگل

Khatarnak Jungle

Jadu Ka Aaina

جادو کا آئینہ۔۔۔۔۔تحریر:مختاراحمد

Jadu Ka Aaina

Azaadi Aik Bari Naimat

آزادی ایک بڑی نعمت

Azaadi Aik Bari Naimat

Nobel Prize

نوبل پرائز

Nobel Prize

Bahadur Shehzada

بہادر شہزادہ

Bahadur Shehzada

Laalchi Azdaha

لالچی اژدھا

Laalchi Azdaha

Ullu Ki Bewaqoofi

اُلو کی بیوقوفی

Ullu Ki Bewaqoofi

Madadgar Bazurg

مددگار بزرگ

Madadgar Bazurg

Shukriya Baba

شکریہ بابا

Shukriya Baba

Amna Aur Elia

آمنہ اور ایلیا

Amna Aur Elia

Sainkaron Saal Baad

سینکڑوں سال بعد

Sainkaron Saal Baad

Your Thoughts and Comments