Thandi Meethi Ice Cream - Article No. 1932
ٹھنڈی میٹھی آئس کریم - تحریر نمبر 1932
گلی گلی،کوچے کوچے بطخے نے آئس کریم بیچی ساری بک گئی
ہفتہ 27 مارچ 2021
ندی کنارے ایک ننھا سا گھر تھا۔اس گھر میں ایک بطخ اور ایک بطخا رہتے تھے۔بطخ بہت اچھی تھی صبح سویرے اٹھتی نہاتی دھوتی اور کام کاج میں لگ جاتی۔بطخا بہت خراب تھا کام چور نکٹھو۔نہ کام کا نہ کاج کا دشمن اناج کا۔دن بھر پڑا اینڈتا رہتا۔بطخ بطخے کو بہتیرا سمجھاتی،پروہ نہ سمجھتا۔ ایک کان سے سنتا دوسرے سے اڑا دیتا۔
ایک دن بطخ بولی”کچھ خبر بھی ہے؟سارا اناج ختم ہو گیا اب کھائیں گے کیا؟“
بطخے نے کہا”گھبراتی کیوں ہو خدا دے گا۔“
بطخ بولی”خدا انہی کو دیتا ہے جو محنت کرتے ہیں۔کام چوروں کو خدا نہیں دیتا۔“
بطخے نے کہا”تو میں کیا کروں؟نوکری تو ملتی نہیں۔“
بطخ بولی”نوکری نہیں ملتی،نہ سہی مزدوری کرو۔
(جاری ہے)
“بطخے نے کہا ”خدا کو مان!میں اور مزدوری کروں؟توبہ !توبہ!ارے!میرا باپ تحصیل دار تھا۔
اُس کے دروازے پر ہاتھی جھومتے تھے۔صبح شام لنگر بٹتا تھا۔سینکڑوں بھوکے پیٹ بھرتے تھے۔“بطخ بولی”باپ کو چھوڑ اپنے آپ کو دیکھ موا نکٹھو،کاہل،ٹٹو“یہ کہا اور پھوٹ پھوٹ کر رونے لگی۔
اب تو بطخا بہت گھبرایا بولا”اچھا رو مت آنسو پونچھ لو میں شہر جا کر نوکری ڈھونڈتا ہوں۔“بطخا اٹھا شہر گیا نوکری ڈھونڈی۔نہیں ملی۔حیران، پریشان۔کیا کرے،کیا نہ کرے !اتنے میں ایک اپنی بپتا سنائی۔
دوست بولا”گھبراؤ مت ساتھ چلو میں آئس کریم بیچتا ہوں روز بیس روپے کماتا ہوں۔تم بھی بیچنا۔“
دونوں کارخانے گئے دوست نے ایک ٹھیلا خود لیا دوسرا بطخے کو دیا اور بولا”ہاں!اب آواز لگا،ٹھنڈی میٹھی آئس کریم،۔ٹھنڈی میٹھی آئس کریم۔“
گلی گلی،کوچے کوچے بطخے نے آئس کریم بیچی ساری بک گئی۔تھوڑی سی رہ گئی۔چلتے چلتے گھر آیا تو زور سے چلایا”ٹھنڈی میٹھی آئس کریم۔“
بطخ نے آواز سنی جانی پہچانی تھی۔دوڑی دوڑی آئی۔کھڑکی سے جھانکا دیکھا تو اپنا بطخا تھا۔خوشی سے جھوم گئی۔بولی”شاباش!کام کرنا عیب نہیں۔بے کار پھرنا عیب ہے کچھ بکی بھی؟“
بطخا بولا”بس تھوڑی سی رہ گئی ہے سکول کی طرف جا رہا ہوں وہ بھی بک جائے گی۔“
بطخ نے کہا”اچھا!ایک مجھے بھی دے دیکھوں کیسی ہے۔“
بطخا بولا”اچھا!پیسے دو اور لے لو۔“بطخ ہنس،ہنس کر بولی”چل ہٹ!اپنوں سے بھی پیسے؟“
بطخا بولا”اپنا ہو یا غیر پہلے پیسے پیچھے مال اچھا اب میں جاتا ہوں بچے گی تو لیتا آؤں گا۔“
یہ کہہ کر ٹھیلا آگے بڑھایا اور زور سے بولا”ٹھنڈی میٹھی آئس کریم۔“
Browse More Moral Stories
شربت کی بوتل
Sharbat Ki Bottle
ایمانداری کا صلہ
Imandari Ka Sila
بیٹے کی ذہانت
Beete Ki Zehanat
اصول کی کامیابی
Usool Ki Kamyabi
ادھوری عید
Adhoori EID
زندگی کا سبق
Zindagi Ka Sabaq
Urdu Jokes
پاگل خانے میں تقریر
Pagal Khany Main Taqreer
مالکن
malikan
لیڈی ٹیچر
Lady teacher
شرمناک بات
Sharam Nak Bat
رزلٹ کارڈ
Result card
دوکاندار گاہک سے
dukandar gahak se
Urdu Paheliyan
کوئی بادل اور نہ سایا
koi badal or na saya
ایک جگہ پر چکر کھائے
aik jaga par chakkar khaye
خشکی پر نہ اس کا پاؤ
khuski par na us ka paon
کبھی اٹھایا کبھی بٹھایا
kabhi uthaya kabhi bithaya
دھرتی ہی سے رشتہ جوڑے
dharti hi se rishta jory
یقینا وہ بزدل ہے جس نے بھی کھایا
yaqeenan wo buzdil hy jis ny khaya