Jahan Quaid E Azam Paida Hue - Article No. 773
![Jahan Quaid E Azam Paida Hue](https://photo-cdn.urdupoint.com/show_img_new/kids/kids_article_images/2015/740x404/1422075661_icon.jpg._2)
جہاں قائداعظم پیدا ہوئے - تحریر نمبر 773
نونہالوں کو اس یادگار تاریخی عمارت کی سیر ضرورکرنی چاہیے تاکہ وہ دیکھ سکیں کہ بانی پاکستان جہاں پیدا ہوئے وہ عمارت کیسی ہے، اس میں کتنے کمرے ہیں اور کیسی روہ داریاں ہیں؟
ہفتہ 24 جنوری 2015
بانیِ پاکستان قائداعظم محمد علی جناح 25 دسمبر 1876 کو پیر کے دن کراچی میں پیدا ہوئے۔جب قائداعظم سات دن کے تھے تو دہلی میں ملکہ وکٹوریہ کے قیصرِ ہند ہونے کا اعلان کیا گیا۔ قائداعظم محمد علی جناح اس سال پیدا ہوئے جب ہندوستان میں برطانوی سلطنت مستحکم ہوئی۔ تقریباََ 70 سال بعد اسی ملکہ وکٹوریہ کے پڑپوتے سے قوم کے رہنما قائداعظم نے مسلمانوں کی آزادی کے لئے فیصلہ کُن جدوجہد کی۔
قائداعظم کراچی کے قدیم علاقے کھارا در کے جس مکان میں پیداہوئے ،اس وزیر مینشن کے نام سے جانا جاتا ہے۔ کھارا در میں چھاگلہ اسٹریٹ پر واقع یہ عمارت جہاں قائداعظم پیدا ہوئے 1860 اور 1870 کے درمیان تعمیر ہوئی تھی تقریباََ ڈیڑھ سو سال پرانی ہے۔ اس تین منزلہ عمارت کا رقبہ 125 مربع گز ہے۔
(جاری ہے)
قائداعظم کے والدین کا ٹھیاواڑسے کراچی آکر اسی عمارت میں رہنے لگے۔
قائداعظم کے بزرگ کا ٹھیاواڑ کے رہنے والے تھے۔ وہاں جب ان کا کاروبار نہ چلا تو کراچی میں کھارادر کے قدیم علاقے میں آکر آباد ہوگئے۔ ان کے والد جناح پونجا چمڑے کا کاروبار کرتے تھے۔ محمد علی جناح کے علاوہ ان کی چھوٹی بہن فاطمہ جناح بھی وزیرمنیشن میں پیدا ہوئی تھیں۔وزیرمنیشن کراچی کی قدیم ترین عمارتوں کے درمیان میں واقع ہے۔ 19 ویں صدی کی انوکھے طرز کی ان عمارتوں میں سے ایک وزیرمنیشن بھی ہے۔ محراب نما کھڑکیوں، دریچوں اور راہ داریوں والی اس تین منزلہ عمارت کی پہلی منزل پر دکانیں تھیں، اوپر کی منزلیں رہائش کے لئے وقف تھیں۔
وزیرمنیشن کو قائداعظم کا مقامِ پیدائش ہونے کی وجہ سے تاریخی اہمیت حاصل ہے ۔ عمارت کی اس اہمیت کی وجہ سے قائداعظم محمد علی جناح کی یاد میں حکومت نے وزیر مینشن کو یادگار اور قومی تاریخی ورثہ قرار دیتے ہوئے وہاں ایک لائبریری قائم کر دی ہے۔ اس تاریخی عمارت میں قائداعظم کے استعمال کی بعض نادر چیزیں بھی نمائش کے لیے رکھی گئی ہیں۔
ورزمینشن اب قائداعظم کی یادگار کے طورپر حکومت پاکستان کے محکمہ آثار قدیمہ کی تحویل میں ہے۔اس عمار ت کی پہلی منزل پر قائداعظم کے زیر مطالعہ قانون کی 684 کتابیں بطور ریادگار محفوظ ہیں۔
قائداعظم محمد علی جناح جب چھ برس کے ہوئے تو انھیں کراچی کے مدرستہ الاطفال میں داخل کیا گیا۔ پھر 4جولائی 1887 کو کرسچین مشینری سوسائٹی ہائی اسکول میں داخل ہوئے۔ کچھ عرصے بعد قائداعظم بمبئی جا کر مدرسہ انجمنِ اسلام کی پہلی جماعت میں داخل ہوئے ۔ لیکن پھر چند ماہ بعد کراچی واپس آکر 23 دسمبر 1887 کوسندھ مدرستہ الااسلام میں داخلہ لیا۔ قائداعظم نے اپنے ابتدائی تعلیمی مراحل وزیرمینشن میں رہتے ہوئے طے کیے۔
چند سال پہلے وزیرمینشن کو نئے سرے سے آراستہ کیاگیا۔ جس کی وجہ سے عمارت میں دل کشی پیدا ہوگئی ہے۔ تاریخی اہمیت کی حامل یہ عمارت وزیر مینشن کراچی کے ایک ایسے علاقے میں واقعے ہے جو قدیم ہونے کے ساتھ ساتھ بہت مشہور ہے۔
نونہالوں کو اس یادگار تاریخی عمارت کی سیر ضرورکرنی چاہیے تاکہ وہ دیکھ سکیں کہ بانی پاکستان جہاں پیدا ہوئے وہ عمارت کیسی ہے، اس میں کتنے کمرے ہیں اور کیسی روہ داریاں ہیں؟ اس قدیم عمارت کو دیکھنے کے بعد یہ بھی معلوم ہو سکے گا کہ پرانے وقتوں میں رہائشی عمارتیں کس انداز سے تعمیر ہوا کرتی تھیں اور ان میں روشنی اور ہوا کے گزرنے کا کیا بندوبست ہوا کرتا تھا۔
Browse More Mutafariq Mazameen
![Billi Or CHoza](https://photo-cdn.urdupoint.com/show_img_new/kids/kids_article_images/2011/220x220/pic_220_1517914978.jpg._1)
بلی اور چوزا
Billi Or CHoza
![Iqbal Maslah E Qoum](https://photo-cdn.urdupoint.com/show_img_new/kids/kids_article_images/2010/220x220/pic_181_1517914978.jpg._1)
اقبال مُصلح قوم
Iqbal Maslah E Qoum
![Youm E PAKISTAN](https://photo-cdn.urdupoint.com/show_img_new/kids/kids_article_images/2006/220x220/pic_47_1517914978.jpg._1)
یوم پاکستان
Youm E PAKISTAN
![Bachon Ki Tarbiyat](https://photo-cdn.urdupoint.com/show_img_new/kids/kids_article_images/2019/220x220/pic_2e12c_1553947815.jpg._1)
بچوں کی تربیت۔۔تحریر:کاشف شہزاد
Bachon Ki Tarbiyat
![Aunty Dooli](https://photo-cdn.urdupoint.com/show_img_new/kids/kids_article_images/2006/220x220/pic_41_1517914978.jpg._1)
آنٹی ڈولی
Aunty Dooli
![Muhabbat Ki Parri](https://photo-cdn.urdupoint.com/show_img_new/kids/kids_article_images/2007/220x220/pic_78_1517914978.jpg._1)
محبت کی پری
Muhabbat Ki Parri
Urdu Jokes
پانچ منٹ
5 mint
پھٹیچر کار
phateechar car
بچہ ماں سے
Bachaa Maa se
باپ بیٹے سے
Baap betai sai
ارشد
Arshad
نائی کی دکان
Nai ki Dukan
Urdu Paheliyan
گن کر دیکھا تو وہ ایک
gin kar dekha tu wo aik
کان پکڑ کر ناک پہ بیٹھے
kaan pakad kar naak pe baithe
بن در کے ہے ایک حویلی
bin dar ke hai aik haweli
پانی نیچے سے لے کر آتا ہے
paani neeche sy ly kar ata hy
ہے چھوٹی سی ایسی شے
he choti si esi shay
ہم نے اگلا اس نے کھایا
hum ne ugla usne khaya