فیسکو نے ماہ مارچ میں ریجن بھر میں 308.407ملین سے زائد کی لاگت سے مختلف منصوبوں کو پایہ تکمیل تک پہنچا یا،ترجمان فیسکو

فیصل آباد (اُردو پوائنٹ اخبارتازہ ترین - اے پی پی۔ 19 مئی2024ء) فیسکوشعبہ کنسٹرکشن کی طر ف سے ماہ مارچ میں ریجن بھر میں 308.407ملین سے زائد کی لاگت سے مختلف منصوبوں کو پایہ تکمیل تک پہنچا یا گیا۔ ماہ اپریل میں 139ملین سے زائد کی لاگت سے74دیہات میں بجلی کی فراہمی عمل میں لائی گئی جبکہ87.209ملین کی لاگت سے2 ایچ ٹی اور81.257ملین کی لاگت سے61ایل ٹی پرپوزلز مکمل کی گئیں۔

فیسکو ترجمان کے مطابق فیسکو کنسٹرکشن ڈائریکٹوریٹ نے ماہ اپریل میں فیصل آباد،جھنگ،سرگودھا اورمیانوالی سرکلز کے آٹھ اضلاع فیصل آباد، جھنگ، ٹوبہ ٹیک سنگھ، چنیوٹ، میانوالی، سرگودھا، بھکر اور خوشاب میں 74نئے دیہات روشن کرنے کے علاوہ61ایل ٹی پروپوزلز اور2فیڈروں کی تکمیل کرلی ہے جن پر308.407 ملین روپے لاگت آئی ہے۔

(جاری ہے)

انہوں نے بتایا کہ چیف ایگزیکٹو فیسکو انجینئرمحمد عامر کی ہدایت پر پی ڈی کنسٹرکشن محمد اقبال جاوید کی زیر نگرانی 22.839 ملین کی لاگت سے فیصل آباد میں 20ایل ٹی پروپوزلز،28.009ملین کی لاگت سے، جھنگ میں 21،12.641 ملین کی لاگت سے،سرگودھا میں 10 جبکہ17.768ملین کی لاگت سے، میانوالی میں 10ایل ٹی پروپوزلز کو مکمل کیا گیا۔

اسی طرح49.754 ملین کی لاگت سے فیصل آباد میں 26 نئے دیہات،30.280 ملین کی لاگت سے جھنگ میں 15،26.485ملین روپے کی لاگت سے سرگودھا میں 14 جبکہ33.341ملین روپے کی لاگت سے میانوالی میں 19نئے دیہات روشن کئے گئے۔ اسی طرح فیصل آباد میں 44.571ملین روپے کی لاگت سے ایک اورسرگودھا میں 42.638ملین کی لاگت سے ایک ایچ ٹی پروپوزلز مکمل کرلی گئی۔ انہوں نے کہا کہ چیف ایگزیکٹوفیسکو انجینئر عامر نے شعبہ کنسٹرکشن کی کارکردگی کوسراہتے ہوئے ہدایت کی ہے کہ وہ مزید جاری سکیموں کو بھی اسی جذبہ سے پایہ تکمیل تک پہنچائیں تاکہ ریجن بھر کے صارفین کو زیادہ سے زیادہ ریلیف ملے ۔