ننھے وی لاگر شیراز نے ولاگنگ کیوں چھوڑی وجہ سامنے آگئی

گلگت بلتستان(اُردو پوائنٹ اخبارتازہ ترین - این این آئی۔ 20 مئی2024ء) سوشل میڈیا پر انتہائی کم عرصے میں شہرت حاصل کرنے والے معروف ننھے وی لاگر شیراز کے والد نے اپنے بیٹے کی وی لاگنگ چھوڑنے کی وجہ بتا دی۔شیراز کے والد نے یوٹیوب چینل پر اپنا ویڈیو بیان جاری کیا جس میں اٴْنہوں نے کہا کہ کسی کے لیے بھی اتنی زیادہ مقبولیت کے بعد وی لاگنگ چھوڑنا بہت مشکل ہے لیکن میرے لیے یہ مقبولیت بڑی کامیابی نہیں، ہماری کامیابی اٴْس وقت ہوگی کہ جب شیراز کی وجہ سے ہمارے گاؤں اور یہاں کے لوگوں کو فائدہ ہوگا۔

اٴْنہوں نے کہا کہ میں مانتا ہوں کہ شیراز کو انتہائی کم وقت میں بہت زیادہ شہرت ملی، پورے ملک کے لوگوں نے شیراز کو بہت پسند کیا اور سب شیراز کے وی لاگز دیکھنا چاہتے ہیں لیکن شیراز کی وی لاگنگ کو ختم کرنے کی کچھ وجوہات ہیں۔

(جاری ہے)

شیراز کے والد نے کہا کہ میرا بیٹا گاؤں کا سیدھا سادھا سا بچہ تھا، سب سے اچھے سے ملتا تھا، محبت کرتا تھا اور گاؤں میں رہ کر ہی وی لاگنگ کرتا تھا لیکن شہرت کی وجہ سے شیراز کے رویے میں تبدیلی آئی، اس شہرت کی وجہ سے ہم نے اٴْس شیراز کو کھو دیا جو سب سے پیار سے ملتا تھا اور سب کی عزت کرتا تھا۔

اٴْنہوں نے کہا کہ شہرت کے بعد سے شیراز گاؤں کے لوگوں سے پہلے کی طرح اچھے طریقے سے نہیں مل رہا تھا، اسی وجہ سے میں نے کچھ عرصے کے لیے شیراز کو وی لاگنگ سے دور رکھنے کا فیصلہ کیا ہے۔ننھے وی لاگر کے والد نے کہا کہ میں اور ہمارے تمام گھر والے بھی کوشش کررہے ہیں کہ ہم اس عرصے میں شیراز کی معصومیت اور سادھے انداز کو واپس لائیں۔اٴْنہوں نے مزید کہا کہ وی لاگنگ چٴْھڑوانے کی دوسری وجہ تعلیم ہے کیونکہ شیراز وی لاگنگ کی وجہ سے اپنی پڑھائی پر بھی توجہ نہیں دے رہا تھا۔