درفشاں انہیں نازیبا حالت میں دیکھنے کے خواہشمند افراد پر برہم

کراچی (اُردو پوائنٹ اخبارتازہ ترین - این این آئی۔ 20 مئی2024ء) مشہور پاکستانی ڈرامہ سیریل ’’عشق مرشد‘‘ سے شہرت کی بلندیوں کو چھونے والی خوبرو اداکارہ درفشاں سلیم کو مداحوں کی جانب سے جہاں پذیرائی حاصل ہوئی وہیں کچھ افراد نے انہیں ناراض کردیا ہے۔درفشاں چند افراد سے نالاں نظر آئیں جس کا ذکر انہوں نے ایک وائرل کلپ میں کیا۔اداکارہ نے انٹرویو کے وائرل کلپ میں انکشاف کرتے ہوئے کہا کہ چند لوگوں نے انہیں ایک ویڈیو بار بار بھیجی جس پر انہوں نے حیرانی ظاہر کی۔

اداکارہ کا کہنا تھا کہ اٴْس ویڈیو کو میں نے ایک دن کھول کر دیکھا اور کہا کہ ’مجھے امید ہے کہ میری بات کی ریکارڈنگ نہیں کی جارہی ہوگی‘ جس پر انہیں بتایا گیا کہ بالکل ریکارڈنگ جاری ہے۔ویڈیو سے متعلق بات کو آگے بڑھاتے ہوئے درفشاں نے کہا کہ مذکورہ ویڈیو میں عشق مرشد کو بہت بار سرچ کیا گیا ہے مگر جو سب سے زیادہ سرچ کیا گیا وہ تھا درِفشاں ہاٹ (نازیباں تصاویر)۔

(جاری ہے)

ادکارہ کا کہنا تھا کہ ہمارے ملک میں ایسے مرد بھی موجود ہیں جو صرف ان خواتین کو مضبوط سمجھتے ہیں جو پردہ اسکرین پر جلوہ گر ہوتی ہیں اور ان کی وہ نازیبا تصاویر تلاش کرتے ہیں، وہیں عورتوں کی کامیابی اور ان کی دل سے عزت کرنے والے مرد بھی موجود ہیں۔خیال رہے ڈرامہ سیریل عشق مرشد میں اداکارہ درفشاں سلیم کے ہمراہ اداکار بلاس عباس کی جاندار اداکاری کو بھی لوگوں نے سراہا۔وہیں سوشل میڈیا پر درفشاں اور بلال عباس کی خفیہ نکاح کی خبریں بھی زیر گردش ہیں جس کی تصدیق تاحال نہ ہوسکی۔