لاہور، پولیس لائنز قلعہ گجر سنگھ، میٹ دی فورس پروگرام کا چوتھا روز

ڈی آئی جی آپریشنز احسن یونس کاپولیس افسروں سے ملاقاتوں کا سلسلہ جاری

اتوار 28 نومبر 2021 00:19

لاہور (اُردو پوائنٹ اخبارتازہ ترین - آن لائن۔ 27 نومبر2021ء) ڈی آئی جی آپریشنزلاہور محمد احسن یونس کاپولیس افسران واہلکاروں سے ملاقاتوں کا سلسلہ جاری ہے۔ میٹ دی فورس پروگرام کے چوتھے روزبھی پولیس لائنز قلعہ گجر سنگھ میںسب انسپکٹرز،اے ایس آئیز سمیت04 سو سے زائد اہلکارتقریب میں شریک ہوئے۔ ایس ایس پی آپریشنز لاہورکیپٹن(ر)مستنصر فیروزبھی اس موقع پر موجودتھے۔

ڈی آئی جی آپریشنز احسن یونس نے پولیس جوانوں سے خطاب کرتے ہوئے کہا کہ ہماری فورس میں ہر کام کرنے کی صلاحیت موجود ہے۔

(جاری ہے)

جو اہلکار سمجھتا ہے کہ وہ جرائم کا تدارک کرسکتا ہے سامنے آئے۔احسن یونس نے کہا کہہمیں کارکردگی کے نام پر کوئی پرچہ نہیں دینا۔ تھانہ میں موجود اے ایس آئی، سب انسپکٹرز اپنی ٹاسکنگ خود کریں۔تمام جوان اپنے علاقے میں کرائم ہاٹ سپاٹس پر فوکس کریں۔پولیس جوانوں کیلئے ہائی ٹی کابھی انتظام کیا گیا۔ڈی آئی جی آپریشنز کو37 پولیس اہلکاروں نے ویلفیئر، رخصت سمیت دیگر مسائل بارے آگاہ کیا۔ انہوںنے اہلکاروں کی درخواستوں پر فوری احکامات صادر کئے۔احسن یونس نے مزید کہا کہ کوئی بھی آفیسر بلا جھجک میرے اور ایس ایس پی آپریشنز کے پاس آ سکتا ہے۔