ڈی آئی جی آپریشنزمحمد فیصل کامران کا پولیس لائنز قلعہ گجر سنگھ میں اردل روم

لاہور (اُردو پوائنٹ اخبارتازہ ترین - این این آئی۔ 18 مئی2024ء) خود احتسابی، محکمانہ سزا و جزا کے عمل کو برقرار رکھنے کیلئے پولیس لائنز قلعہ گجر سنگھ میں اردل روم کا انعقاد کیا گیاجس میں انسپکٹر سے کانسٹیبل تک کے افسران و جوان پیش ہوئے۔ڈی آئی جی آپریشنزمحمدفیصل کامران نے اردل روم میں آفیشلزکی50شوکاز نوٹسز، انکوائری رپورٹس اور اپیلوں کی سماعت کی۔

کثیر تعداد میں ٹرانسفر پوسٹنگ، ویلفیئر، رخصت اور دیگرعرض و معروض کے لئے آنے والے افسران و جوان بھی ڈی آئی جی آپریشنز کے روبرو پیش ہوئے۔محمد فیصل کامران نے جوانوں کے مسائل کیلئے متعلقہ افسران کو احکامات دیئے۔اس موقع پر ڈی آئی جی آپریشنز نے کہا کہ ذاتی شنوائی سے سفارش کلچر کا خاتمہ ممکن ہے۔کرپشن، اختیارات سے تجاوزپر زیرو ٹالرنس پالیسی پر عملد آمد یقینی بنایا جا رہا ہے۔

(جاری ہے)

فرائض منصبی احسن طریقے سے انجام دینے والے افسران و جوانوں کی حوصلہ افزائی کی جائے گی۔محمد فیصل کامران نے کہا کہ تمام پولیس افسران و جوان فرائض منصبی خوش اسلوبی اور ایمانداری سے سرانجام دیں۔دوران ڈیوٹی غفلت اور لاپرواہی برتنے والوں کے خلاف سخت محکمانہ کارروائی ہو گی۔ انہوں نے مزید کہا کہ ملازمین کی ویلفیئر ہماری اولین ذمہ داری ہے۔ہفتہ وار اردل روم کے انعقاد کو ہر صورت یقینی بنایا جائے گا۔اردل روم میں جوانوں کے مسائل کے حل کیلئے احکامات جاری کئے جائیں گے۔