لیسکو انسداد بجلی چوری مہم جاری،24گھنٹوں کے دوران 39ملزمان گرفتار، ترجمان

لاہور (اُردو پوائنٹ اخبارتازہ ترین - اے پی پی۔ 23 مئی2024ء) وزارت توانائی پاور ڈویژن کی ہدایت کے مطابق چیف ایگزیکٹو لیسکو انجینئر شاہد حیدر کی زیر نگرانی انسداد بجلی چوری مہم کامیابی کے ساتھ جاری ہے۔ ترجمان لیسکو کے مطابق گزشتہ 24 گھنٹوں کے دوران ریجن بھر میں 39 ملزمان کو بجلی چوری کرتے ہوئے گرفتار کرلیا، مجموعی طور پر465ملزمان بجلی چوری میں ملوث پائے گئے، جن میں سے160 کے خلاف مقدمات درج ہوچکے ہیں۔

پکڑے جانے والے کنکشنز میں 15کمرشل،1 زرعی اور449 ڈومیسٹک تھے۔ تمام کنکشنز منقطع کرکے ان کو3 لاکھ28 ہزار6سو63یونٹس ڈٹیکشن بل کی مد میں چارج کئے گئے ہیں جن کی مالیت1کروڑ10 لاکھ35 ہزار4 سو70 روپے ہے۔انسداد بجلی چوری مہم کو242روز مکمل ہوگئے ہیں، اس دوران کل83ہزار6سو9 ملزمان بجلی چوری میں ملوث پائے گئے،76 ہزار 6 سو24 ملزمان کیخلاف مقدمات درج کروا کر32 ہزار7سو67 ملزمان کو گرفتار کرلیا گیا۔

(جاری ہے)

بجلی چوروں کو اب تک 9 کروڑ78 لاکھ57 ہزار6 سو84 یونٹس چارج کئے گئے ہیں جن کی مالیت 3ارب56 کروڑ82 لاکھ57 ہزار6سو70 روپے ہے۔بجلی چوروں کیخلاف کئے جانے والے آپریشن میں بڑے کمرشل صارفین بھی بجلی چوری میں ملوث پائے گئے۔ ان تمام کے کنکشنز بھی منقطع کئے گئے اوران کو ڈٹیکشن یونٹس چارج کئے گئے۔مصری شاہ کے علاقے میں کنکشن کو3لاکھ27ہزار روپے،شاہدرہ کے علاقے میں کنکشن کو1لاکھ 68ہزار روپے،عامر روڈ کے علاقے میں کنکشن کو1لاکھ50 ہزارروپے اورجوہر ٹائون کے علاقے میں ملزم کو1لاکھ50ہزار روپے کی رقم چارج کی گئی ہے۔

واضح رہے بجلی چوروں کیخلاف آپریشنز وفاقی پاور ڈوٍیژن کی جانب سے دی گئی ہدایات کے مطابق کیئے جا رہے ہیں اور چیف ایگزیکٹو انجینئر شاہد حیدر بذاتِ خود ان آپریشنز کی نگرانی کر رہے ہیں۔ لیسکو چیف کا کہنا ہے کہ بجلی چوری کے مکمل خاتمے تک بلا تفریق گرینڈ آپریشن جاری رہے گا۔ آپریشن کے دوران بجلی چوروں کے ساتھ ساتھ ان کی سرپرستی کرنیوالے لیسکو افسران و ملازمین کو بھی قانون کے کٹہرے میں لایا جائے گا۔