صحت کے شعبے میں پورے بلوچستان میں ہماری محنت جاری رہے گی، سردار زادہ فیصل جمالی

حب (اُردو پوائنٹ اخبارتازہ ترین - آن لائن۔ 18 مئی2024ء) صوبائی وزیر صحت بلوچستان سردار زادہ فیصل خان جمالی نے کہا ہے کہ حکومت بلوچستان اور ہماری کوشش رہے گی کہ غریب نادر افراد کو ان کی دہلیز تک علاج معالجے کی بہترین سہولیات پہنچائی جائیں ہم اپنے عوام کی خدمت کیلئے آئے ہیں ہر ممکن کوشش کریں گے کہ صحت کے شعبے میں پورے بلوچستان میں ہماری محنت جاری رہے گی۔

(جاری ہے)

صوبائی وزیر صحت بلوچستان سردار زادہ فیصل خان جمالی نے ڈسٹرکٹ حب جام غلام قادر سول ہسپتال حب ا دورہ کیا اس موقع پر انہوں نے مختلف شعبہ جات کا معائنہ کیا اس دوران ڈسٹرکٹ ہیلتھ افیسر ڈاکٹر عبدالغنی بلوچ ایم ایس ڈاکٹر ناصر شیخ اور صوبائی کوآرڈینیٹر برائے توسیع پروگرام حفاظتی ٹیکہ جات ڈاکٹر کمالاں گچکی بھی موجود اس موقع پر وزیر صحت بلوچستان سردار زادہ فیصل خان جمالی نے سول ہسپتال جام غلام قادر حب کے مختلف حصوں بشمول شعبہ حادثات، گائنی، سرجری، میڈیسن، پیڈز وارڈ کے علاوہ ہسپتال کے آپریشن تھیٹر، لیبارٹری، ایکسرے ڈپارٹمنٹ، آپتھا لمولجی اور ڈینٹل ڈپارٹمنٹ کا تفصیلی دورہ کیا صوبائی وزیر صحت بلوچستان نے علمی ادارہ صحت کی تعاون سے بچوں کی انتہائی نگہداشت یونٹ اور غذائی کمی کے شکار بچوں کی علاج مرکز کا دورہ کیا اور مریضوں سے علاج معالجے کے متعلق معلومات حاصل کی اور مریضوں کو علاج معالجے میں سہولیات فراہم کرنے پر ڈاکٹرز نے صوبائی وزیر صحت کو تمام معاملات سے اگاہ کیا سردار زادہ فیصل خان جمالی نے نرسنگ کالج حب کا بھی دورہ کیا اور نرسنگ کالج کی طالبات کو کالج بلڈنگ اور دوسری مشکلات کو حل کرنے کی یقین دہانی کرائی جام غلام قادر ہسپتال اور ضلع حب کے دوسرے مراکز صحت کی کارکردگی اور محکمہ صحت ضلع حب کو درپیش مسائل پر ڈی ایچ او حب ڈاکٹر عبدالغنی بلوچ نے تفصیلی بریفنگ دی جس پر وزیر صحت سردار زادہ فیصل خان جمالی نے یقین دلایا کہ سول ہسپتال جام قادر حب اور ضلع کے صحت کے مسائل بشمول بلوچستان کے تمام علاقوں میں ہماری کوشش رہے گی کہ غریب نادر افراد کو ان کی دہلیز تک علاج معالجے کی بہترین سہولیات پہنچائی جائیں ہم معاشرے کی خدمت کے لیے ہر ممکن کوشش کریں گے اور صحت کے شعبے میں پورے بلوچستان میں ہماری محنت جاری رہے گی۔